ابراهيم حيدري ۾ ٻار پڙهايو سنڌ سنواريو جي عنوان هيٺ جاڳرتا ريلي

ملير(رپورٽ: عبدالرشيد مورجھريو) ابراهيم حيدري ۾ شاگردن پاران پرائمري اسڪولن ۾ داخلا لاءِ جاڳرتا ريلي،"ٻار پڙهايو سنڌ سنواريو " جي زبردست نعريبازي، ٻارڙن کي بنيادي تعليم ڏياري کين جبري پورهيئي کان بچايو وڃي،ھيڊ ماستر برڪت ميراڻي ۽ ٻياتفصيل موجب: ابراهيم حيدري گورنمينٽ بوائز مورڙو ميربحر سنڌي ميڊيئم سيڪنڊري اسڪول جي شاگردن طرفان پرائمري اسڪولن ۾ داخلا مهم بابت تعليمي جاگرتا ريلي ڪڍي وئي جاڳرتا ريلي ۾ اسڪول ھيڊ ماستر برڪت علي ميراڻي، ايوب شان خاصخيلي، بلال خاصخيلي، شائسته ڄاموٽ، عبدالواحد خاصخيلي، شابي يونس سميت سوين شاگردن هٿن ۾ پلي ڪارڊ، بينر کڻي ريلي ڪڍي وئي ۽ "پڙهندي سنڌ ته وڌندي سنڌ" جي زبردست نعريبازي ڪئي، ان موقعي تي اسڪول ھيڊ ماستر برڪت علي ميراڻي، شائسته ڄاموٽ، ايوب شان خاصخيلي، عبدالواحد خاصخيلي، بلال خاصخيلي ۽ ٻين اڳواڻن جاڳرتا ريلي کي خطاب ڪندي چيو ته نوجوان ٻارڙن کي پرائمري جي بنيادي تعليم ڏياري وڌ ۾ وڌ داخلا ڏياري وڃي ته جيئن گلن جهڙا ٻارڙا بنيادي تعليم پرائي پنهنجو مستقبل سنواري سگهن، ڇو ته تعليم انسان جي ٽئين اک آهي، هنن وڌيڪ چيو ته والدين پنهنجي ٻارڙن کي تعليم جهڙي زيور کان محروم نه رکن ۽ پنهنجي ٻارڙن کي اونداهي کان بچائي تعليم جي روشني ڏيارڻ لاء کين اسڪولن ۾ داخل ڪرائن، گلن جهڙن معصوم ٻارڙن کي جبري پورهيئي کان بچايو وڃي، تعليم سندن جو بنيادي حق پڻ آهي،