هن سنڌ کي لٽيو آ هزارين رهزنن, اوهين لٽي ڇا ڪندا ۔۔!!!

الماس خواجا

هن سنڌ کي لٽيو آ هزارين رهزنن.... اوهين لٽي ڇا ڪندا ۔۔!!!
هيءَ زندگي مئي آ پل پل، اوهين ماري ڇا ڪندا ۔۔۔۔۔ !!!
تنهنجي طاقت سان منهنجي تهذيب مٽجي نه ٿي سگهي ۔۔۔!!!
سنڌ اڳي کان اڳري آهي، اوهان جي هٿڪنڊن کان ڳري آهي..
توهان جون نسلون کُٽي سگهن ٿيون، اسان جا ڳڀرو ڪيترا ماريندا ،،،،!!!
جن جا لاش به ٿو لڪائين ۽ نوجوان ٿو کنڀائين
مگر لاش تن جا ڪلام اڄ به ڪن ٿا
ڳرو طوق بڻجي ڳچيء توکي پوندا
توهان جهڙا قاتل بچي ڪونه سگهندا ۔۔۔۔۔!!!!
تنهنجي ظلم جي تار به ٽٽڻي آهي
تنهنجي آڪڙ به نيٺ لهڻي آهي
رت ته تنهنجي به وهڻي آهي
ارٿي تنهنجي به کڄڻي آهي
ڏاڍ جي رات به کٽڻي آهي
نيٺ پرھ به ڦٽڻي آهي
ڏيهه مان ڏائڻ ڪڍڻي آهي
الماس رکي ٿي آس اها
دودا ڌرتي جا اٿندا ۽
تنهنجو ساهه سڪائيندا
نيٺ ته توکي ماريندا
تنهنجو مڙھ به ساڙيندا
تنهنجو مڙھ به ساڙيندا