سنڌي ادبي سنگت شاخ ملير طرفان نئين ٽهيءَ جي خوبصورت شاعر مجيب سنڌي سان رهاڻ

ملير (رپورٽر)نئين ٽهيءَ جي خوبصورت شاعر مجيب سنڌي سان سنڌي ادبي سنگت شاخ ملير طرفان عوامي پريس ڪلب ملير ۾ رهاڻ رچائي وئي، جنهن ۾ علائقي جي نامور اديبن، شاعرن، صحافين، سياسي ۽ سماجي ڪارڪنن وڏي تعداد ۾ شرڪت ڪئي.ان موقعي تي مجيب سنڌي کي گلن جا هار پارائي اجرڪن جا تحفا پيش ڪيا ويا ۽ سندس ادبي خدمتن کي ڀيٽا ڏني وئي ان موقعي تي شاعره امرتا ڏاھري صدارتي خطاب ڪندي چيو ته مجيب سنڌي نئين نسل جي احساسن، دردن ۽ جذبن کي خوبصورتي سان لفظن ۾ پروئي ٿو سندس شاعري نون رستن جي تلاش، حب الوطني ۽ انساني جذبن جو آئينو آهي، خاص مهمان سنڌي ادبي سنگت جي مرڪزي رابطا سيڪريٽري راشد لکمير چيو ته اهڙن ادبي پروگرامن ذريعي نئين ٽهيءَ جي تخليقي صلاحيتن کي ساراهڻ سان گڏوگڏ، سنڌي ٻولي ۽ ادب جي واڌاري لاءِ به هموار رستو پيدا ٿئي ٿو هن چيو ته شاعري رڳو لفظن جو ڪمال ناهي پر دل جو دل سان رابطو به آھي مجيب سنڌي ايترو پيارو آھي جو آئون کيس محبوب سنڌي ڪري ڪوٺيندو آھيان هن ساس ملير شاخ جي تعريف ڪندي چيو ته ڪراچي سڄي ۾ اھڙا پروگرام نٿا ٿين قومي شاعر غفور شاھ تقوي چيو ته ماڻهن ۾ محبت جي ڪشش هوندي آھي جيڪا ماڻهن کي گڏ ڪري ويهاريندي آھي جيڪا مجيب سنڌي ۾ آھي وفائون ڪري توڙ نڀائڻ ڪو مجيب کان سکي هن چيو ته اسان جو سماج بيوفا موقعي پرست ماڻهن مان ڀريو پيو آھي مجيب سنڌي چيو ته منهنجي مان ۾ سنڌي ادبي سنگت ملير آجياڻو ڏئي رهاڻ رچائي منهنجي قلمي پورهئي جو قدر ڪيو آھي ان موقعي تي وحيد محسن مجيب سنڌي تي مقالو پڙھيو جڏهن تي عرفان عباسي اصغر باغي اصغر مھرائي سڪندر سرواڻ عوامي پريس ڪلب ملير جي صدر جمشيد زهراڻي قمبر ٻٽ ظھير ڏاهري ۽ ٻين خطاب ڪيو مختلف شاعرن عاصم ابڙو، ماھم ڪورائي ۽ ٻين گيت پيش ڪيا