لاہور: پنجاب کی ترقی اب کچھ حلقوں کے لیے برداشت سے باہر ہو چکی ہے — صوبائی وزیر اطلاعات عظمیٰ بخاری نے ایک بار پھر سندھ حکومت کو آئینہ دکھا دیا۔
وزیراعلیٰ سندھ مراد علی شاہ کی حالیہ پریس کانفرنس پر ردعمل دیتے ہوئے عظمیٰ بخاری نے کہا کہ مراد علی شاہ کو چاہیے کہ وہ علی امین گنڈاپور جیسا انداز نہ اپنائیں، اور اپنی حکومت کی گزشتہ 16 سالہ کارکردگی عوام کے سامنے رکھیں۔
عظمیٰ بخاری نے طنزیہ انداز میں سوال کیا: "کیا سندھ میں کسان موجود نہیں؟ کیا وہاں گندم کی قیمت کا اعلان ہوا؟ کیا سندھ حکومت نے اب تک کسانوں سے گندم خریدی بھی ہے یا نہیں؟"
انہوں نے مزید کہا کہ پنجاب کے کسانوں کا درد سمجھنے کے لیے یہاں ان کے حقیقی نمائندے موجود ہیں، ہمیں باہر سے ہمدردی کی ضرورت نہیں۔
0 تبصرے