لاڙائي برادري جا بااثر منهنجي زمين تي هٿياربند ويهاري قبضو ڪري ويٺا آهن: غلام قادر مغل جو الزام

نوشهروفيروز (ڊ ر) نوشهروفيروز جي سنڌ ڪالوني واسي شهري غلام قادر مغل پريس ڪلب پهچي ميڊيا سان ڳالهائيندي چيو آهي ته لاڙائي برادري جا ماڻهو حافظ شير محمد، مظهر لاڙائي ۽ مختلف ڏوهاري قسم جا هٿيار بند ويهاري منهنجي زمين تي قبضو ڪيو ويٺا آهن جيڪي زمين تي اچڻ نه ٿا ڏين جن گذريل ڏينهن زمين تي ويل هارين کي حراسان ڪرڻ لاءِ پوليس کان بنا ڪنهن جواز جي گرفتار ڪرايو آهي هن چيو ته سروي نمبر 241 ۾ زمين خريد ڪئي آهي هڪ ايڪڙ 31 گهنٽا جنهن مان اڌ مون پير قربان علي سهروردي کي وڪرو ڪري ڏني آهي حافظ شير محمد لاڙائي وارا هاري ٿي ڪري زمين تي قابض بڻيل آهن جيڪي زمين جي مالڪي جي ڪوڙي دعوا ڪري رهيا آهن جن وٽ جيڪڏھن ڪاغذ آهن ته کڻي اچن ۽ جي فيصلو ڪن ته به ڪرن لاءِ تيار آهيان هن چيو ته زمين به منهنجي آهي جاني توڙي مالي نقصان جون ڌمڪيون به مون کي ڏئي رهيا آهن ڪو به نقصان پهتو ته حافظ شير محمد لاڙائي ۽ سندس ساٿاري هوندا هن ايس ايس پي نوشھروفيروز ۽ ٻين وس وارن کي اپيل ڪئي معاملي جي جاچ ڪري زمين تان قبضو ختم ڪرائي ڌمڪيون ڏيندڙن کي گرفتار ڪيو وڃي