ڪئنالن خلاف عوام پاڻ ملهايو آهي، جونيئر ذوالفقار جي سڏ تي ماڻهو نڪرن ٿا: غلام مرتضيٰ جتوئي

نوشهروفيروز (ڊ ر) اڳوڻو وفاقي وزير غلام مرتضي جتوئي بلاول زرداري قتل ڪيس ۾ اي ٽي سي ۾ پيش ٿيو عدالت وڪيلن جا دليل ٻڌڻ بعد ٻڌڻي 22 اپريل تائين ملتوي ڪري ڇڏي آهي جنھن بعد ميڊيا سان ڳالهائيندي جي ڊي اي اڳواڻ غلام مرتضي جتوئي چيو ته ڪئنالن ۽ ڪارپوريٽ فارمنگ معاملي تي اسان سنڌ جي عوام سان گڏ آهيون پيپلزپارٽي پهريان ڪئنال منصوبي جي منظوري ڏني ۽ هاڻي وري احتجاج پيا ڪن جيڪا عوام سان مذاق آهي هن چيو ته ڀٽو خاندان سان پراڻو تعلق آهي جونيئر ذوالفقار سان ملاقات ٿي آهي ان ۾ سياسي صورتحال تي بهترين ڳالهيون ٿيون آهن پيپلزپارٽي پارٽي مان جان ڇڏائڻ لاءِ سڀني پارٽين کي گڏجي متحد ٿي جدوجهد ڪرڻي پوندي عوام ۾ شعور پيدا ٿي ويو آهي جيڪو پيپلزپارٽي مان هاڻي تنگ ٿي چڪو آهي ان بعد غلام مرتضي جتوئي الهبچايو عرف لونگ خان مري جي دعوت پهتو