گهگهر ۾ حاجي خان زهراڻي ڳوٺ ۾ اوطاق تي مبينا قبضي خلاف احتجاجي مظاهرو

views | 07th Apr 2025 • سنڌي خبرون

گهگهر ۾ حاجي خان زهراڻي ڳوٺ ۾ اوطاق تي مبينا قبضي خلاف احتجاجي مظاهرو

ملير (رپورٽ: عبدالرشيد مورجھريو) گهگهر جي حاجي خان زهراڻي ڳوٺ جي اوطاق تي مبينا قبضو ڪيو ويو آهي، ان سلسلي ۾ ڳوٺاڻن نظير احمد زهراڻي، مرتضا زهراڻي ۽ ٻين جو چوڻ آهي ته ڳوٺ جي سهولت لاءِ اوطاق ۽ ان سان گڏ مسجد جو پلاٽ ڇڏيو ويو هو، يونين ڪائونسل درساڻو ڇنو طرفان حاجي خان زهراڻي ڳوٺ کي اوطاق جي عمارت تعمير ڪرائي ڏني وئي هئي، جنهن تي بااثر ماڻهن ديوارون ڏئي داخلي رستا بند ڪري ڇڏيا آهن، سندن چوڻ هو ته اوطاق جو پلاٽ ڪمرشل آهي جتي مارڪيٽ ٺاهڻ جي لالچ ۾ قبضو ڪيو پيو وڃي هنن لاڳاپيل ادارن کان مطالبو ڪيو ته قبضي ۾ ملوث ماڻهن خلاف ڪارروائي ڪري اوطاق تان قبضو ختم ڪرايو وڃي جئين ڳوٺاڻن جي بيچيني ختم ٿي سگهي.