وزیراعظم کی جانب سے بجلی کی قیمتوں میں بڑی کمی کا اعلان (آج) متوقع

وزیراعظم شہباز شریف اسلام آباد میں معروف کاروباری شخصیات سے اہم ملاقات کریں گے،ذرائع

اسلام آباد (این این آئی) وزیراعظم شہباز شریف کی جانب سے بجلی کی قیمتوں میں بڑی کمی کا اعلان (آج) جمعرات کو متوقع ہے،وزیراعظم شہباز شریف (آج) جمعرات کو اسلام آباد میں معروف کاروباری شخصیات سے اہم ملاقات کریں گے۔ذرائع وزارت خزانہ کے مطابق ملاقات میں کابینہ کے اراکین سمیت 336 بزنس ٹائیکون موجود ہوں گے ، اس دوران وزیراعظم شہباز شریف پاور سیکٹر ریفارمز پر اعتماد میں لیں گے۔واضح رہے کہ اس سے قبل آئی ایم ایف نے حکومتی درخواست پر بجلی کے بنیادی ٹیرف میں ایک روپے کمی کی منظوری دی تھی جس کے بعد حکومت نے بجلی سستی کرنے کی درخواست نیپرا میں جمع کرائی۔