ملير: گلشن حديد ۾ شهرين کان لکين رپيا ڦر، فائرنگ ۾ 2 زخمي

ملير(رپورٽ: عبدالرشيد مورجھريو) گلشن حديد ۾ موٽر سائيڪل سوار ٽن هٿياربندن جي ڪار سوار شهرين کان 18 لک رپين جي ڦر، مزاحمت تي هٿياربند ڦورن گوليون هڻي ٻن شهرين کي زخمي ڪري ڇڏيو تفصيل موجب گلشن حديد ۾ ڏينهن ڏٺي جو موٽر سائيڪل سوار ٽن هٿياربندن جي بينڪ مان پيسا ڪڍرائي ويندڙ شهرين جي ڪار تي فائرنگ هٿياربند ڪار روڪي شهرين کان 18 لک رپيا ڦر ڪري فرار ٿي ويا ان دوران شهرين مزاحمت ڪئي جنهن تي هٿياربند گوليون هڻي ٻن شهرين اسد شاہ ۽ غلام مصطفي ابڙو کي سخت زخمي ڪري وڌو اطلاع تي پوليس پهچي زخمين کي اسپتال منتقل ڪرايو واقعي ٿي پوري علائقي ۾ خوف ڇائنجي ويو گلشن حديد جي سياسي سماجي ۽ واپاري تنظيمن جي اڳواڻن گهر ڪئي آهي ته علائقي ۾ امن امان قائم ڪرڻ لاءِ پوليس کي وڌيڪ محترڪ ڪري جوابدار گرفتار ڪيا وڃن