گڏاپ ۾ سونارڪي دڪان مان لکين رپين جي چوري

ملير(رپورٽر) رمضان جي ڀلاري مهيني ۾ گڏاپ شهر مان ٻي وڏي واردات، چور آڌي رات جو سوناري جي دڪان کي کاٽ هڻي ٽيھ تولا سون کڻي ويا، اطلاع تي گڏاپ پوليس پهچي جانچ شروع ڪري ڏني، اسان هاڻي پنهنجي گهرن ۾ به محفوظ ناهيون لڳاتار ڏينهن توڙي رات جو چوريون ٿي رهيون آهن، دڪاندارن جو احتجاج تفصيل موجب گڏاپ شهر مان رمضان جي ڀلاري مهيني ۾ ڪجهه ڏينهن اڳ هٿياربندن جي بازار مان ڦر بعد گذريل آڌي رات جو چورن آڪاش نالي سوناري جي دڪان کي کاٽ هڻي ٽيھ تولا سون کڻي ويا خبر ملندي ئي شهري ۽ دڪاندار واقعي واري هنڌ پهچي ويا ان موقعي تي متاثر دڪاندار صحافين سان ڳالهائيندي چيو ته مون صبح 10 وڳي اچي دڪان کوليو ته دڪان جا تالا ٽٽل هيا ڀر ۾ ئي پوليس چوڪي تي اطلاع ڪيم پوليس دڪان تي پهچي تحقيقات شروع ڪئي آهي آڪاش ٻڌايو ته مختلف گراهڪن سونا زيور بڻائڻ خاطر ڏنا هئا جيڪي رات نامعلوم چور دڪان جا تالا ٽوڙي سمورو سون ۽ پيسا ٻھاري ويا آهن، ايڏو وڏو نقصان منهنجي برداشت کان ٻاهر آهي، هوڏانهن احتجاج ڪندي واپارين ٻڌايو ته گڏاپ هميشه امن امان وارو علائقو رهيو آهي مگر هن وقت گڏاپ جي حالت انتهائي حساس ٿي رهي آهي هر ٻئي ڏينهن يا هفتي دڪانن تان ڪڏهن موبائلون ڪپڙن جا تاڪ ته ڪڏهن سون لٽيو ويندو آهي شهرين ۽ دڪاندارن شڪايت ڪندي ٻڌايو ته پوليس چوڪي جي بلڪل سامهون ٻه ٽي قدمن تي سوناري جو دڪان ٽوڙي واردات ٿي آهي اسان ڪٿي ڪهڙي انتظاميا کي دانهن ڏيون هفتو پهرين به وڏي واردات ٿي ان جو به اڃان تائين ڪو نالو نشان ناهي اگر فل فور ايڪشن نه ٿي ڪنئي وڃي ته ڪاروبار بند ڪري سخت احتجاج ڪيو ويندو