بچے کو دودھ پلانے والی ماں کے لیے روزہ چھوڑنے کی کب اجازت ہے؟

views | 13th Mar 2025 • صحت

بچے کو دودھ پلانے والی ماں کے لیے روزہ چھوڑنے کی کب اجازت ہے؟

سوال: میرا ایک چھوٹا بچہ ہے جو دودھ پیتا ہے اور کچھ ہلکی غذائیں بھی کھاتا ہے۔ میری اہلیہ اسے دودھ پلاتی ہیں۔ رمضان میں ان کے لیے روزہ رکھنے کا کیا حکم ہے؟ کیا روزے کی حالت میں بچے کو دودھ پلانا جائز ہے اور کیا اس سے روزے پر کوئی اثر پڑتا ہے؟ جواب: اگر آپ کی اہلیہ روزہ رکھ کر بچے کو دودھ اور دیگر غذائیں دے کر اس کی خوراک پوری کر سکتی ہیں اور ان کی صحت پر کوئی منفی اثر نہیں پڑتا تو روزہ رکھنا فرض ہے۔ البتہ، اگر روزہ رکھنے سے ماں یا بچے کی صحت پر اثر پڑنے کا اندیشہ ہو یا بچے کی غذائی ضروریات پوری نہ ہو رہی ہوں تو وہ روزہ چھوڑ سکتی ہیں۔ بعد میں جب صحت اجازت دے تو چھوڑے گئے روزوں کی قضا کرنا ضروری ہوگا۔ مزید یہ کہ روزے کی حالت میں بچے کو دودھ پلانے سے روزہ نہیں ٹوٹتا۔