ملير ۾ سماجي اڳواڻ ڀاڳچند کان هٿيارن جي زور تي ڦرلٽ

موٽرسائيڪل سوار هٿياربندن هٿيارن جي زور تي ڦر ڪري فرار ٿي ويا: متاثر

ملير (رپورٽ: عبدالرشيد مورجھريو) ملير جو سماج سڌارڪ ۽ صحافي ڊاڪٽر ڀاڳچند هٿياربندن ھٿان ڦرجي ويو، اسٽيل ٽائون ٿاڻي لڳ قومي شاهراهه تي موٽر سائيڪل سوار هٿياربندن صبح جو سوير ان وقت روڪي ڦر ڪئي جڏهن هو ٺٽي ۾ اجتماعي شادين ۾ شرڪت لاءِ وڃي رهيو هو، ٿاڻي تي ڪيس داخل، ٽي فوروٿقومي شاهراهه تي هٿيارن جي زور تي روڪي موٽر سائيڪل موبائيل ۽ روڪ رقم ڦر ڪري فرار ٿي ويا، مونسان مسلسل واقعا ٿي رهيا آهن، سماج سڌارڪ ۽ صحافي محفوظ نه آهن ته عام ماڻهن جو ڪهڙو حشر ٿيندو، ڪارروائي نه ڪئي وئي ته پهرين فيبروري تي احتجاج ڪنداسين ڊاڪٽر ڀاڳچند جو پريس ڪانفرنس ۾ اعلان، تفصيل موجب ملير جو سماج سڌارڪ ۽ صحافي ڊاڪٽر ڀاڳچند هٿياربندن اسٽيل ٽائون ٿاڻي لڳ قومي شاهراهه تي جنت بينڪيوٽ اڳيان موٽر سائيڪل سوار هٿياربندن هٿان ڦرجي ويو، ڦورن ڊاڪٽر ڀاڳچند کي صبح جو سوير ان وقت روڪي ڦر ڪئي جڏهن هو ٺٽي ۾ اجتماعي شادين ۾ شرڪت لاءِ وڃي رهيو هو، واقعي خلاف اسٽيل ٽائون ٿاڻي تي ڪيس داخل ڪيو ويو، ان سلسلي ۾ ڊاڪٽر ڀاڳچند پنهنجي ساٿين سمير حمائتي، مٺو ڪمار مهيشوري، مڪيش ڪمار سان گڏ عوامي پريس ڪلب ملير پهچي پرهجوم ڪانفرنس ڪندي چيو ته مونسان مسلسل واقعا پيش اچي رهيا آهن، اڄ صبح جو سوير آئون غريب نياڻين جي اجتماعي شادي ۾ شرڪت لاءِ ٺٽو وڃي رهيو هوس ته گلشن حديد اڳيان ٽي ڦورو قومي شاهراهه تي هٿيارن جي زور تي روڪي مونکان موٽر سائيڪل موبائيل ۽ روڪ رقم 30 هزار رپيا ۽ ٻيو قيمتي سامان ڦر ڪري فرار ٿي ويا،امن امان جي صورتحال اهڙي آهي جو سماج سڌارڪ ۽ صحافي محفوظ نه آهن ته عام ماڻهن جو ڪهڙو حشر ٿيندو، هن آئي جي سنڌ، ايس ايس پي ملير ۽ ٻين کان مطالبو ڪيو ته ڪارروائي ڪري ڦر ٿيل سامان واپس ڪرايو وڃي ٻي صورت ۾ پهرين فيبروري تي احتجاج ڪنداسين.