ڊي سي عمرڪوٽ نويد الرحمان لاڙڪ جي صدارت هيٺ پوليو مهم جي حوالي سان اجلاس

ھن ڀيري پوليو مھم ۾ ڪنهن بہ قسم جي ڪوتاهي کي هرگز برداشت نہ ڪيو ويندو: ڊي سي عمرڪوٽ

عمرڪوٽ (رپورٽ:ڪانجي مل رکيسر) ڊپٽي ڪمشنر عمرڪوٽ نويد الرحمان لاڙڪ جي صدارت ھيٺ 03 کان 07 فيبروري 2025 تائين شروع ٿيندڙ پوليو مهم جي مڪمل ڪيل انتظامن توڙي ريڊينيس اين آئي ڊي فيبروري 2025 جو جائزو وٺڻ لاءِ ڊپٽي ڪمشنر آفيس عمرڪوٽ جي دربار ھال ۾ اجلاس منعقد ڪيو ويو، ان موقعي تي اجلاس کي خطاب ڪندي ڊپٽي ڪمشنر عمرڪوٽ نويد الرحمان لاڙڪ چيو تہ پوليو مھم کي ڪامياب بنائڻ لاءِ سڀني اسٽيڪ هولڊرز کي گڏجي پنھنجو ڀرپور ڪردار ادا ڪرڻو پوندو، ھن ڀيري پوليو مھم ۾ ڪنهن بہ قسم جي ڪوتاهي کي هرگز برداشت نہ ڪيو ويندو ڇاڪاڻ تہ پوليو جو خاتمو قومي فرض آھي، ھن چيو تہ عمرڪوٽ ۾ پوليو وائرس جا سيمپل ملڻ انتھائي خطرناڪ آھي، جڏهن تہ پوليو جي گڏجاڻي ۾ غير حاضر رهندڙ لاڳاپيل کاتن جي عملدارن کي شوڪاز نوٽيس جاري ڪيو ويندو، ڊپٽي ڪمشنر عمرڪوٽ نويد الرحمان لاڙڪ ضلعي ايجوڪيشن آفيسر عمرڪوٽ پرائمري ۽ سيڪنڊري عنايت الله ڪنڀر کي ھدايتون ڏيندي چيو تہ ايندڙ پوليو مھم دوران مڪمل تعاون ڪيو وڃي ۽ تعلقہ ايجوڪيشن آفيسرن کي پڻ ان مھم دوران پابند ڪيو وڃي تہ پنھنجي لاڳاپيل تعلقي ۾ اسسٽنٽ ڪمشنرز ۽ يوسي ايم اوز سان مڪمل سھڪار ڪن جڏهن تہ لوڪل گورنمينٽ جي عملدارن کي پڻ ھدايتون ڏيندي چيو تہ يوسي چيئرمين ۽ يوسي آفيسر پنھنجي علائقن ۾ پوليو مھم دوران مڪمل تعاون ڪن، ھن وڌيڪ چيو تہ پوليو مھم دوران ويڪسينيٽرن کان سختي سان ڊيوٽي ورتي وڃي ۽ ڪوتاهي ڪندڙ ويڪسينيٽرن خلاف سخت کان سخت قانوني ڪاروائي ڪئي وڃي، ان موقعي تي چيئرمين ضلعي ڪائونسل عمرڪوٽ حاجي محمد بقا پلي چيو تہ پوليو مھم ۾ ھر ممڪن تعاون ڪيو ويندو ۽ رفيوزل ڪيسن ۾ پڻ مدد فراهم ڪئي ويندي جڏهن تہ تمام يوسي چيئرمين ۽ ضلعي ڪائونسل جا ميمبر پوليو ٽيمن سان ڀرپور سھڪار ڪندا. ان موقعي تي پوليو فوڪل پرسن ڊاڪٽر وجئہ ڪمار اجلاس کي بريفنگ ڏيندي چيو تہ 03 فيبروري کان 07 فيبروري 2025 تائين شروع ٿيندڙ پوليو مهم جا انتظام مڪمل ڪيا ويا آھن، ان موقعي تي اجلاس ۾ چيئرمين ضلعي ڪائونسل عمرڪوٽ حاجي محمد بقا پلي، ڊي ايڇ او عمرڪوٽ ڊاڪٽر محمد علي نھڙي، اسسٽنٽ ڪمشنر عمرڪوٽ رجب علي سٺيو، اسسٽنٽ ڪمشنر ڪنري محمد خان ڀنگوار، اسسٽنٽ ڪمشنر سامارو و پٿورو سنجئہ ڪمار ترڪيو، ايم ايس سول سرجن عمرڪوٽ ڊاڪٽر فريد ھنڱورجو، ڊي ايس پي عمرڪوٽ تصور جٽ، اي ڊي ايڇ او ڊاڪٽر لڇمڻ داس ڪيسراڻي، اي ڊي ايڇ او ڊاڪٽر ايسر داس، پي پي ايڇ آئي ڊي ايم ڊاڪٽر شرف الدين ميمڻ، ضلعي انفارميشن آفيسر عمرڪوٽ محمد اسلم ڀٽي، ڊي اي او پرائمري ۽ سيڪنڊري عنايت الله ڪنڀر، ڊپٽي ڊائريڪٽر سوشل ويلفيئر نور محمد شيخ، ڊپٽي ڊائريڪٽر لوڪل گورنمينٽ ھريش چندر، ٽيڪسيشن آفيسر ميونسپل ڪميونٽي عمرڪوٽ اويس سميجيو، پوليو فوڪل پرسن ڊاڪٽر وجئہ ڪمار، ڊاڪٽر شير علي مھر، پوليو ڪميونيڪيشن آفيسر ارباب منڱريو، ڊبليو ايڇ او جي فوڪل پرسن ڊاڪٽر درگا شنڪر،ڊاڪٽر مونيڪا ڪماري، سماجي تنظيمن جي اڳواڻن، سامي فائونڊيشن جي ايگزيڪيوٽو ڊائريڪٽر غلام مصطفي کوسو، سماجي تنظيم ھينڊز ڊسٽرڪٽ مئنيجر امام بخش خاصخيلي، ٿرديپ جي اظرہ قمبراڻي، سي ڊبليو ايس اي، شفا فائونڊيشن سميت ٻين سماجي تنظيمن جي نمائندن ۽ لاڳاپيل کاتن جي عملدارن پڻ شرڪت ڪئي، ان کانپوء ڊپٽي ڪمشنر عمرڪوٽ نويد الرحمان لاڙڪ جي اڳواڻي ۾ چيئرمين ضلعي ڪائونسل عمرڪوٽ حاجي بقا پلي، ڊي ايڇ او ڊاڪٽر ڊاڪٽر محمد علي نھڙي برھان ڪنڀر سميت ضلعي انتظاميہ جي لاڳاپيل کاتن جي عملدارن سان گڏ ڊپٽي ڪمشنر آفيس عمرڪوٽ کان پريس ڪلب عمرڪوٽ تائين پوليو بابت آگاهي واڪ ريلي پڻ ڪڍي وئي.