پٿورو ويجهو قائم ٽول پلازه خلاف رهواسي روڊن تي نڪري آيا، ميرپورخاص عمرڪوٽ روڊ تي ڌرڻو

غير قانوني ٽول پلازه قبول ناهي، ميرپورخاص عمرڪوٽ روڊ سنگل ۽ نامڪمل آهي، ٽيڪس غير قانوني آهي: مظاهرين

عمرڪوٽ (رپورٽ:ڪانجي مل رکيسر) پٿورو لڳ عمرڪوٽ ميرپورخاص روڊ تي قائم غيرقانوني ٽول پلازه خلاف سوين ماڻھن جو ميرپورخاص عمرڪوٽ مين روڊ تي ڌرڻو ھڻي روڊ بلاڪ ڪيو ويو مظاھرين پاران مين روڊ تي ڌرڻي سبب ايندڙ ويندڙ ٽريفڪ معطل ٿي وئي ، پوليس جي نفري وڏي تعداد ۾ ڌرڻي واري ھنڌ پھتل ٻي پاسي روڊ بند ھجڻ ڪري روڊ جي ٻنھي پاسن کان گاڏين جون قطارون لڳل رھيون ڌرڻي ۾ شريڪ وڪيل برادري جي مير محمد نھڙي جان محمد نھڙي لياقت سھتو سميت شھرين ظفر محمود ڀٽي نواز ھنگورو واجد لغاري منظور بلوچ اڳواڻن جون ڌرڻي ۾ پھتل نيشنل ھاء وي اٿارٽي جي ٺيڪيدار سان ڳالھيون ڪيون جيڪي ھڪ ڏينھن لاء قبولي ورتيون ان دوران ٽول انتظاميا پاران اھو چيو ويو ته سڀاڻ اسان جا آفيسر پھچندا وڌيڪ گالھيون سڀاڻ ڪيون وينديون في الحال ڏينھن ڇوٽ ڏني وئي آھي جنھن ۾ سڀاڻ جمعي جي ڏينھن ٽي بجي تائين ڪارن سميت ننڍين گاڏين کان ڪنھن به قسم جو ٽول وصول نه ڪيو ويندو سڀاڻ ٽي بجي دوباره ڳالھيون ڪيون وينديون ان دوران ڌرڻي ۾ علائقي واسين ھڪ ئي مطالبو رکيو آھي ته ٽول ڪنھن به قسم تي نه لڳائيو ويندو سنگل روڊ ھجڻ ڪري ٽول قبول ناھي .مظاهرو ڪندڙن جو چوڻ آھي ته ميرپورخاص عمرڪوٽ سنگل ۽ نامڪمل ھجڻ باوجود ٽول ٽيڪس غير قانوني آھي ھن کي فل فور ختم ڪيو وڃي ٻي صورت ۾ احتجاج جاري رھندو ڌرڻو ڪاميٽي ٽول ٽيڪس وارن ۾ سڀاڻي ڊي سي آفيس ۾ 3 بجي گڏجاڻي رکي وئي آهي ان ۾ فيصلو ڪيو ويندو ته ٽيڪس ورتو وڃي يا نه.