ملير: گلشن حديد ۾ صفائي عملي جو پگهارون نه ملڻ خلاف احتجاجي مظاهرو

گذريل ڇهن مهينن کان پگهارون نه مليو آھن، گهرن ۾ فاقاڪشي واري صورتحال آهي: ملازم

ملير (درياخان شر) گلشن حديد جي صفائي ڪندڙ عملو ٽن ڏينھن کان ھڙتال تي ويٺل،ڪچھري جا ڊير لڳڻ شروع ٿي ويا. ملير صفائي مهم رولڙي جو شڪار ٿي وئي. متاثرن احتجاجي مظاهرو ڪري سخت نعريبازي ڪئي. احتجاج ڪندڙ ملازمن شھزاد فقيرا، گڊو عرف ميرجنيد، بابا ، شھناز اسلم , سنگيتا ۽ خورشيد ميڊيا سان ڳالھيندي چيو ته اسان کي گذريل ڇھ مهينن کان پگهارون نه مليو آھن ۽ اسان کي نه ڪا ميڊيڪل جي سھولت آھي.انتظاميا اسان سان نا انصافي ڪري رهي آھي اسان جي بيگناھ پگهار بند ڪري اسان جو جيئڻ جهنم بڻايو ويو آھي هنن چيو ته سرڪار نوٽيس وٺي انصاف ڪري. صفائي ڪندڙ عملو ڊيوٽي دوران مختلف بيمارين ۾ وٺجي وڃي ٿو ۽ تڙپي تڙپي فوت ٿي وڃن ٿا پر ڪا به ميڊيڪل سھولت نه ٿي ملي انھن وڌيڪ چيو ته جنهن ڪري صفائي ڪندڙ ملازم ۽ سندن خاندان فاقه ڪشي واري زندگي گذارڻ تي مجبور بڻيل آهن. گلشن حديد ۾ صفائي نه ٿيڻ سبب گندگي جي ور چڙهي ويو آهي، جنهن جي ذميوار انتظاميه آهي جڏھن ته پاڪستان اسٽيل ملز جي سي اي او مظاھرين جو پھگار ڏيڻ وارو مطالبو مڃڻ کان صاف انڪار ڪري ڇڏو.