نوشهروفيروز ۾ پڊعيدن جي صحافي تي ڪيس داخل ٿيڻ ۽ پيڪا آرڊيننس خلاف احتجاج

پريس ڪلب جي صدر يونس راجپر. علي نواز سولنگي. يوسف منگي ۽ ٻين احتجاجي مظاهرو ڪيو

نوشهرو فيروز (ڊ ر) پڊعيدن جي صحافي حيدر پلھ خلاف ڪوڙو ڪيس داخل ڪرڻ ۽ پيڪا آرڊيننس خلاف نوشهروفيروز جي صحافين انصاف چوڪ کان پريس ڪلب تائين ريلي ڪڍي احتجاجي مظاهرو ڪيو۔ ريلي ۾ شرڪت ڪندڙ پيڪا آرڊيننس خلاف سخت نعريبازي ڪري رهيا هئا. ان موقعي تي پريس ڪلب جي صدر يونس راجپر. جنرل سيڪريٽري علي نواز سولنگي. يوسف منگي۔ مسرور چانڊيو. عطا حسين سمون. خادم سيال۔ماجد ٽڳڙ. ارشاد عباسي۔ عرفان ميمڻ ۽ ٻين جو چوڻ هو ته هڪ طرف صحافين تي ڪوڙا ڪيس داخل ڪيا پيا وڃن ته ٻئي طرف پيڪا آرڊيننس جاري ڪري صحافت جي آزادي تي ضرب لڳائي وئي آهي۔ احتجاج ڪندڙن مطالبو ڪيو ته حڪومت صحافين کي تحفظ فراهم ڪري، پيڪا آرڊيننس واپس وٺي ۽ پڊعيدن جي صحافي حيدر پلھ خلاف ڪوڙو ڪيس ختم ڪري نه ته ٻي صورت ۾ سڄي ملڪ ۾ احتجاجي تحريڪ هلائي ويندي۔