ملير پوليس جي ڪارروائي، 6 جوابدار گرفتار ڪرڻ جي دعويٰ

ڪارروائي دوران عبدالله، طمعنين، ابراهيم، امان الله، اشوڪ ۽ بلال کي گرفتار ڪيو: پوليس

ملير (رپورٽر) ملير ۾ بدامني، شاھ لطيف مان ڇوٽو ٽولي جا 6 جوابدار گرفتار، 3 پسٽل، 6 ڦر ڪيل موبائيل فون، 4 موٽر سائيڪلون، 10چيچس ۽ گوليون هٿ، جوابدار ڪراچي جي مختلف علائقن ۾ ڏوهن ۾ ملوث آهن جن جي عمر 15 کان 17 سال آهي سي سي ٽي وي فٽيجز به موجود آهن پوليس تفصيل موجب ملير ۾ بدامني چوٽ چڙهي وڃڻ بعد پوليس گذريل ڏينهن ڪاروائي ڪندي شاھ لطيف مان ڇوٽو ٽولي جي 6 جوابدارن عبدالله، طمعنين، ابراهيم ،امان الله، اشوڪ ۽ بلال کي گرفتار ڪرڻ جي دعويٰ ڪئي آهي جن وٽان ، 3 پسٽل، 6 ڦر ڪيل موبائيل فون، 4 موٽر سائيڪلون، 10چيچس ۽ گوليون هٿ ڪيون ويون آهن ان سلسلي ۾ پوليس ٻڌايو ته خوف جي علامت بڻيل ٽولي تي شاھ لطيف ٽائون ،ميمڻ ڳوٺ، سکن سميت مختلف ٿاڻن تي ڪيس داخل ٿيل آهن جيڪي ڪراچي جي مختلف علائقن ۾ ڏوهن ۾ ملوث آهن جن جي عمر 15 کان 17 سال آهي ۽ جوابدار اڳ به جيل وڃي چڪا آهن جڏهن ته سي سي ٽي وي فٽيجز به موجود آهن گرفتار جوابدارن مٿان ڪيس داخل ڪيا پيا وڃن ۽ وڌيڪ جاچ ڪئي پئي وڃي