جهرڪ ويجهو ڳاڙهي مٽي کڻڻ تان جهيڙو، ڳوٺاڻو مارجي ويو، هڪ ڄڻو زخمي

ٻٻر برادري ۽ مٽي جي ٺيڪيدار قادر پنجابي ۾ ڇڪتاڻ دوران فائرنگ ۾ محمد ياسين ٻٻر مارجي ويو

ٺٽو ( شفيق ڀٽي) جهرڪ ويجهو جهمپير لنڪ روڊ تي ڳاڙھي مٽي کڻڻ واري تڪرار تان ٻٻر برادري ۽ ٺيڪيدار قادر پنجابي وچ ۾ ڇڪتاڻ بعد ٺيڪيدار قادر پنجابي جي مبينا فائرنگ ۾ هڪ ڳوٺاڻو مارجي ويو، هڪ ڄڻو زخمي.خبر موجب فائرنگ جي نتيجي ۾ محمد ياسين ٻٻر ٿڏي تي فوت ٿي ويو، جڏهن ته مشتاق ٻٻر سخت زخمي ٿي پيو، جنهن کي طبي امداد لاءِ سول اسپتال حيدرآباد منتقل ڪيو ويو، جتي سندس علاج جاري آهي. پوليس واقعي جو سخت نوٽيس وٺندي ايس ايس پي ٺٽو ڊاڪٽر محمد عمران خان جي هدايت تي ايس ڊي پي او جهرڪ ۽ ايس ايچ او جهرڪ کي ملزمن جي گرفتاري جا حڪم جاري ڪيا ويا، جڏهن ته جوابدارن جي گرفتاري لاءِ ڇاپا هنيا پيا وڃن. فوتي محمد ياسين ٻٻر جو پوسٽ مارٽم ڪيو ويو آهي، جڏهن ته پوليس وڌيڪ جاچ ۾ مصروف آهي.