ڏوڪري جي بي آءِ ايس پي سينٽر ۾ عورتن جي پيهه، وظيفي مان ڪٽوتي جون دانهون

مستحق عورتن پاران ڊوائيس هولڊرن ۽ سندن ايجنٽن تي في ڪارڊ تي 2 کان 3 هزار ڪٽوتي جو الزام

ڏوڪري (اطهر ميمڻ) ڏوڪري ۾ امدادي سينٽر تي مستحق عورتن جي رش، سهولتون اڻلڀ، ايجنٽ مافيا سرگرم، امدادي رقم مان 2 کان 3 هزار روپيا ڪٽوتي، مستحق عورتن جو احتجاج، ڪنهن نوٽيس نه ورتو. ڊوائيز هولڊر ۽ فرنچائيز مالڪ ملي ڀڳت ڪري بينظير انڪم سپورٽ پروگرام جي آفيسرن جي ڪٽوتي ڪري رهيا آهن. ڊوائيز هولڊر پاران مستحق عورتن جي پئسن مان ڪٽوتي ڪرڻ لاءِ ايجنٽ مقرر ڪيا ويا آهن. ڊپٽي ڪمشنر ۽ اسسٽنٽ ڏوڪري سميت بينظير انڪم سپورٽ پروگرام جي آفيسرن ڪٽوتي ڪندڙ ڊوائيز هولڊر ۽ ايجنٽن خلاف ڪا بہ ڪارروائي ناهي ڪئي. تفصيل موجب ڏوڪري ۾ امدادي سينٽر تي مستحق عورتن جي رش رهي ٿي سينٽر جي انتظاميا کين سهولتون فراهم ڪرڻ ۾ ناڪام ٿي وئي آهي، جڏهن ته سينٽر تي ايجنٽ مافيا سرگرم ٿي وئي آهي مستحق عورتن جي امدادي رقم مان 2 کان 3 هزار روپيا ڪٽوتي ٿيڻ جو انڪشاف ٿيو آهي، ۽ مستحق عورتن احتجاج ڪيو آهي پر ڪنهن نوٽيس نه ورتو آهي، ان ڏس ۾ ڏوڪري رائيس ريسرچ سينٽر تي قائم بينظير انڪم سپورٽ پروگرام تي غريب مستحق عورتن کي ملندڙ 13500 روپيا وظيفي مان 2 کان 3 هزار روپيا ڪٽوتي ڪري رهيا آهن، ان ڏس ۾ وظيفو وٺڻ لاءِ آيل مستحق عورتن اميندان خاتون، صاحبہ خاتون، فيا خاتون ۽ ٻين چيو ته ڊوائيز هولڊر سليمان گودڙائي، محمد خان خاصخيلي، انعام خاصخيلي، عصمت خاصخيلي، بلاول خاصخيلي، راڻو پنهور ۽ ٻيا فرنچائيز مالڪ ۽ بينظير انڪم سپورٽ پروگرام سينٽر انچارج، ايجنٽن سان ملي ڀڳت ڪري 2 کان 3 هزار روپيا ڪٽوتي ڪري رهيا آهن، رشوت نه ڏيڻ تي مختلف بهانا ڄاڻائي واپس موٽائي ڇڏين ٿا،