ملير: آچار سالار ڳوٺ ڀرسان شهيد ناظم جوکيو جو ڀاءُ کي اغوا جي ڪوشش، ڳوٺاڻن پاران مزاحمت

جوابدار امجد سالار کي مبينا اغوا ڪيو، ڳوٺاڻن جي نڪرڻ تي کيس تشدد بعد گهگهر ڦاٽڪ ڀرسان ڦٽو ڪري فرار

ملير (رپورٽ: عبدالرشيد مورجھريو) آچار سالار ڳوٺ ڀرسان شهيد ناظم جوکيو جو ڀاءُ امجد سالار نامعلوم ماڻهن هٿان مبينا طور اغوا، ڳوٺاڻا گهرن مان نڪري پيا، امجد سالار تي بدترين تشدد بعد گهگهر ڦاٽڪ ڀرسان ڦٽو ڪري ويا امجد سالار تي بدترين تشدد ٿيل آهي وارثن جون دانهون، واقعي جي جاچ ڪري رهيا آهيون ايس ايڇ او اسٽيل ٽائون تفصيل موجب ملير جي آچار سالار ڳوٺ مان شهيد ناظم جوکيو جي ڀاءُ امجد سالار کي نامعلوم ماڻهن مبينا طور اغوا ڪري ورتو ،اطلاع تي وڏي تعداد م ڳوٺاڻا گهرن مان نڪري آيا جنهن م عورتن جو وڏو تعداد شامل ہو جن ڌاٻيجي لڳ قومي شاهراه تي پهچي احتجاج ڪندي ڌرڻو ھڻي چيو تہ سخت غربت آھي رف عمل سبب اغوا ڪار امجد سالار کي بدترين تشدد بعد گهگهر ڦاٽڪ ڀرسان ڦٽو ڪري فرار ٿي ويا ان سلسلي ۾ افضل جوکيو صحافين کي ٻڌايو ته؛ امجد سالار تي بدترين تشدد ٿيل هو هن جو وڌيڪ چوڻ هو ته ڳوٺ جي ٻاهران راند کيڏندڙ ٻارڙن کي سرڪاري نمبر پليٽ لڳل ريوو گاڏي تي سوار ماڻهن دڙڪا داٻا ڏئي ڀڄائي ڇڏيو، ٻارڙن جڏهن اسان کي ٻڌايو ته اسان اتي پهتاسين ته هٿياربندن منهنجي ڀاءُ امجد کي اغوا ڪري کڻي ويا ۽ بدترين تشدد جو نشانو بڻائي گهگهر ڦاٽڪ ڀرسان ڦٽو ڪري فرار ٿي ويا، اسان اسٽيل ٽائون ٿاڻي تي پهچي اطلاع ڏنو ٻي طرف ڳوٺاڻا اسٽي تي نڪري پيا واقعي جي جاچ ڪرائي وڃي رابطو ڪرڻ تي ايس ايڇ او اسٽيل ٽائون ٻڌايو ته ڳوٺاڻا ٿاڻي تي پهتا هئا هن وقت امجد کي ڇڏيو ويو آهي واقعي جي جاچ ڪري رهيا آهيون.