شڪارپور ۾ سماجي اڳواڻ پرويز ابڙو جي سالگره جي موقعي تي سرسنگيت جي محفل منعقد

سوشل اينڊ لٽرري فورم شڪارپور پاران سماجي اڳواڻ پرويز ابڙو سان رھاڻ رچائي وئي، تقريب دوران ڪيڪ به ڪاٽيو ويو

شڪارپور ( احسان ابڙو ) شڪارپور ۾ سماجي اڳواڻ پرويز ابڙو جي سالگره مناسبت سان رھاڻ، ساڃاهه وندن پاران کيس ڀرپور ڀيٽا پيش، سرسنگيت جي محفل به منعقد، سوشل اينڊ لٽرري فورم شڪارپور پاران سماجي اڳواڻ پرويز ابڙو سان رھاڻ رچائي وئي ان موقعي تي ھن دوستن سان گڏجي پنهنجي 47ھين سالگره جو ڪيڪ ڪاٽيو تقريب کي خطاب ڪندي پنھنجي صدارتي خطبي ۾ ليکڪ ۽ درگاهه شھيد ملنگ بابا جي فقير وزير علي ابڙو چيو ته پرويز ابڙي سماجي خدمتن جي حوالي سان پاڻ ملھائي ٻانھن جي حقن جي ادائگي جي حوالي سان خدا جي ھدايت جي پيروي ڪئي آھي اميد آھي تہ ھو ان حوالي سان تسلسل برقرار رکندي معاشري لاء اڃا وڌيڪ لاڀائتو ثابت ٿيندو تقريب جي مک مھمان پرويز ابڙو جو چوڻ ھو ته عوامي ڀلائي واري دڳ تي ھلندي سچ ۽ ثابت قدميءَ وقتي طور تي ذاتي حوالي سان نقصان به ڏنا آھن پر تلخ تجربن باوجود اصول پرستي واري عزم تان ڪڏهن به پوئتي نه هٽيا آھيون. ڪالمسٽ ۽ نقاد عديل مھر چيو ته قومپرستي کان انسان دوستي تائين پرويز ابڙو اتساهيندڙ ڪردار رھيو آھي ليکڪ نسيم بخاري چيو ته پرويز ابڙو سان رھاڻ سندس مثبت عملن کي نروار ڪري موجوده دؤر جي ضمير کي جاڳائڻ جي جستجو آھي، ان موقعي تي ليکڪ قمر سومرو چيو ته پرويز ابڙو وقت جي رفتار سان اجتماعي ڀلائي وارن معاملن ۾ اڳڀرائي ڪري پنھنجي ھم عنصرن لاء چٽاڀيٽيءَ وارو ماحول پيدا ڪري ڇڏيو آھي،SLF جي سيڪريٽري آصف شيخ چيو ته معاشري ۾ جيڪڏهن ڏوھاري پاڻ ۾ ٻڌي ڪري سگھن ٿا ته شريف شھرين جو به پاڻ ۾ ايڪو ھئڻ کپي ۽ چڱن ماڻھن ۾ رابطا ڪاري جي حوالي سان پرويز بھترين ڪم ڪيو آھي، انور سومرو چيو ته پرويز ابڙي پاڻ ملھائي ٻين لاء روشن مثال قائم ڪيو آھي، جسم اڳواڻ اسدالله سومرو چيو ته پرويز ابڙو صاف سٿري قومي سياست جو اجرو ڪردار آھي ان موقعي تي شڪارپور جي سريلن فنڪارن شاھد سومرو ۽ عمران لاڙڪ شاھ عبداللطيف ڀٽائي ،شيخ اياز، اعجاز سائين ۽ ٻين شاعرن جي شاعري ٻڌائي ٻڌندڙن جون دليون جيتي ورتيون جڏھن ته علي مدد شاھ لڪياري ، ڪامريڊ احسان جيھو ، حمير چانڊيو مير احمد نواز معرفاڻي , ڊاڪٽر گھنشام داس ،فيض سومرو ،افتخار آرائين، عديل علوي،غلام علي گل ميمڻ ، سليم سومرو ، رحيم بخش ابڙو ، راشد معرفاڻي پاران سماجي اڳواڻ پرويز ابڙو جي ڪردار تي روشني وڌي تقريب ۾ شھر جي سياسي سماجي ڌرين معزز شھرين پاران شرڪت ڪئي وئي