مڪلي پوليس پاران سون جي چوري ۾ ملوث جوابدار گرفتار

ٺٽو(محمد شفيق ڀٽي) مڪلي پوليس جو ڪامياب آپريشن، گھر مان سون جي چوري ۾ ملوث مک جوابدار گرفتار، لکين روپين جي چوري ٿيل زيور هٿ، تفصيل موجب ڪجھ ڏينھن اڳ جنگشاهي ويجھو چارھي اسٽاپ ڀرسان ڳوٺ گل محمد جوکيو ۾ غلام نبي جوکيو جي گهر مان نامعلوم چور گھر ۾ داخل ٿي سونا زيور ۽ ڪيش رقم چوري ڪري فرار ٿي ويا ھئا. جنھن بعد گھر ڀاتي غلام نبي جوکيو پاران ٿيل چوري جي رپورٽ ڪيس مڪلي پوليس اسٽيشن ۾ داخل ڪيو ويو ھو، جنھن بعد ايس ايس پي ٺٽو ڊاڪٽر محمد عمران خان جي سخت حڪمن تي ايس ايڇ او مڪلي انسپيڪٽر اشفاق منگي پنهنجي عملي سان گڏ جاچ دوران مڪلي کان جنگشاهي روڊ تي چاڙهي اسٽاپ تي ڪامياب ڪاروائي ڪندي ڪيس ۾ ملوث مک جوابدار محمد علي عرف حسن پٽ محمد سرور مغل کي گرفتار ڪري پوليس جي شروعاتي جاچ دوران، مدعي غلام نبي جوکيو جي گهر مان چوري ٿيل زيور ۽ ڏوهه ۾ استعمال ٿيل پستول جوابدار جي قبضي مان هٿ ڪري جوابدار خلاف مڪلي پوليس اسٽيشن تي هٿيار آرڊيننس تحت الڳ ڪيس داخل ڪري جانچ جي دائري کي وسيع ڪري ڇڏيو اھي.