آل پاڪستان واپڊا هائيڊرو يونين جي سڏ تي مڪلي ۾ احتجاجي مظاهرو

سردار نيڪ محمد کوسو، وحيد رند، عمران مغل، نياز خواجا ۽ ٻين جي اڳواڻي ۾ احتجاج ڪيو ويو

ٺٽو(ڊر) حيسڪو ٺٽو جي 5 ملازمن کي سروس مان ريموو ڪرڻ واري عمل خلاف آل پاڪستان واپڊا ھائڊرو اليڪٽرڪ ورڪرس يونين جي سڏ تي مڪلي تي ھڪ احتجاجي مظاھرو چيئرمين سردار نيڪ محمد کوسو، وحيد رند، عمران مغل، نياز خواجہ، حڪيم خاصخيلي، ڪامران مغل، غياث جوکيو، دانش شيخ، اڪبر لاشاري جي اڳواڻي م ڪيو ويو، جنھن ۾ ٺٽي ۽ سجاول ضلعن جي حيسڪو ملازمن وڏي انگ ۾ شرڪت ڪئي. احتجاجي مظاھري کي خطاب ڪندي ملازم اڳواڻن چيو تہ حيسڪو اختياريون بلاجواز ننڍن ملازمن کي تنگ ڪندي 5 لائين مينن کي بنا ڪنھن سبب جي سروس مان ريموو ڪيو ويو آھي، جيڪو عمل ڪنھن بہ صورت برداشت نٿو ڪري سگھجي. ھنن چيو تہ ملازمن کي ٽي اي ڊي اي جي صورت ملندڙ رقم بہ ادا نٿي ڪئي وڃي، جڏھن تہ ملازمن کي شوڪاز نوٽيس ڏيئي پريشان ڪيو پيو وڃي، جنھن عمل ملازم جي زندگي خطري ۾ وجھي ڇڏي اھي، ھنن چيو تہ ڪم ڪندڙ ملازمن جي حوصلا افزائي ٿيڻ بدران کين حراسان ڪيو پيو وڃي، جنھن عمل جي سخت لفطن ۾ مذمت ڪريون ٿا. ھنن مطالبو ڪيو تہ سروس مان ريموو ڪيل ملازمن کي بحال ڪري شوڪاز نوٽيس ڏيڻ جو سلسلو بند ڪري حيسڪو ملازمن کي ٽي اي ڊي اي ڏنو وڃي، ٻي صورت ۾ احتجاج جو دائرو وسيع ڪيو ويندو.