ٽائون چيئرمين جي مقرري کي 19 مهينا گذري ويا پر شهرين کي ڪا به سهولت ناهي ملي سگهي: اڳواڻ
سجاول (رپورٽر) سجاول ۾ شهري اتحاد ۽ جي يوآئي پاران پاڻي جي کوٽ ۽ ٻين بنيادي مسئلن جي حل لاءِ احتجاج ڪيو ويو، جي يو آئي اڳواڻن حسن ميمڻ، مولوي اشرف ميمڻ، شهري اتحاد اڳواڻ اياز ميمڻ، منير ميمڻ ۽ ٻين جي اڳواڻي ۾ جامع مسجد چوڪ تي احتجاجي مظاهرو ڪيو ويو، ان موقعي تي اڳواڻن چيو ته ٽائون چيئرمين مقرر ٿيڻ کي 19 مهينه گذري ويا پر افسوس اڃاتائين سجاول شهر جا ڪابه بنيادي مسئل حل نه ٿي سگهيا آھن، سجاول شهر جو قديمي قبرستان مصري شاه بخاري جنهن جي چوديواري نه هجڻ ڪري رولو ڪتن پنهنجا آماجگاه بنائي ويٺا آھن، شهر جون سالن کان پراڻيون پائيپ لائينون سڙي ناڪاره ٿي ويون آهن جنهن ڪري شهرين کي پاڻي جي فراهمي صحيح نموني نٿي ملي، ٽائون جي ڪروڙين روپيه بجيٽ اچي ٿي پر خبر ناهي ڪٿي خرچ ڪئي وڃي ٿي هنن سنڌ حڪومت ۽ چونڊيل نمائیندن کان مطالبو ڪندي چيو سجاول شھر جا بنيادي مسئلا فوري طور حل ڪيا وڃن ٻئي صورت ۾ احتجاج جو دائرو وسيع ڪيو ويندو ـ
0 تبصرے