ملير ۾ بدامني تي ضابطو نه آيو، گهگهر ۾ چوري دوران هڪ ڄڻو سوگهو

ملير(عبدالرشيد مورجھريو) ملير بدامني جي ور چڙهي ويو، گهگهر ۾ چوري جي ڪوشش، رهواسين جي سجاڳ ٿيڻ تي 2 ڄڻا فرار، هڪ چور سوگهو، ريڙهي ۾ ڊاڪٽر کان به موٽر سائيڪل ۽ موبائيل فون ڦر، ڪيس داخل نه ٿيو، گهگهر ۾ هڪ ئي هفتي اندر چوري ۽ ڦر جون 10 کان وڌيڪ وارداتن سبب رهواسي غير تحفظ جو شڪار، پولیس ڪو به تحرڪ نه ورتو، گهگهر کي ڏوهارين حوالي ڪيو ويو آهي جنهن سبب ڪاروبار ڪرڻ مشڪل ٿي پيو آهي رهواسي تفصيل موجب ملير ۾ بدامني چوٽ چڙهي وئي آهي ان حوالي سان گهگهر ۾ گذريل رات دير سان 3 چورن قومي شاهراھ وٽ غلام حسين جوکيو مارڪيٽ ۾ چوري جي ڪوشش ڪئي ته ان دوران رهواسي سجاڳ ٿيڻ تي ٻه چور فرار ٿي ويا جڏهن ته هڪ چور کي رهواسين سوگھو ڪري ورتو جيڪو پنهنجو نالو پرويز پٽ سڪندر ۽ قادر نگر لڳ امين مگسي ڳوٺ جو رهواسي ٻڌايو جنهن وٽان هڪ موٽر سائيڪل بغير نمبر پليٽ جي ۽ چوري جي وارداتن ۾ استعمال ٿيندڙ سامان هٿ ڪيو ويو، ٻئي طرف ريڙهي ڳوٺ جي داؤد جت جيٽي ڦورن ڊاڪٽر سرفراز کي يرغمال بڻائي موبائل فون ۽ موٽرسائيڪل فر ڪري فرار ٿي ويا جنهن بعد سکڻ ٿاڻي لالا آباد چوڪي پوليس هڪ ڦورو کي گرفتار ڪري ڦر ٿيل موٽرسائيڪل ۽ موبائيل ڊاڪٽر سرفراز واپس ڪئي ڊاڪٽر چيو ته آئون ڪيس جي چڪر ۾ نٿو پوڻ چاهيان پوليس چوڪي انچارج جو فون بند ھجڻ سبب ايس ايڇ او جاويد ابڙو کي فون ڪئي جنهن به فون نه کنيو جڏهن ته ڦورو شڪل مان پٺاڻ لڳي رهيو هو هوڏانهن ياد رهي ته هڪ هفتي دوران گهگهر ۾ چوري ۽ ڦر جون 10 وارداتون ٿيون جن ۾ نجب چوڪ تان سيڌي جي دڪان تان ڦورن طرفان لکين رپين جو ڌاڙو هنيو ويو جڏھن ته صابو ڳوٺ جي واٽهڙي پورهيت پورهيت عمر کان 10 هزار روڪ ۽ موبائيل فون ڦر ڪئي هوڏانهن شر مارڪيٽ جي النور ڪميونيڪيشن جي دڪان تان سعيد پتافي کان ڦورن اڍائي لک رپيا روڪ رقم ۽ 9 موبائيل فون ڦر ڪري آساني سان فرار ٿي ويا هئا، ان سلسلي علائقي واسين ٻڌايو ته گهگهر کي ڏوهارين جي حوالي ڪيو ويو جنهن سبب وارداتن ۾ تيزي سان اضافو ٿي رهيو آهي عدم تحفظ سبب اسان جون ننڊون حرام ٿي ويون آهن هنن مطالبو ڪيو ته چورين ۽ ڦرن جي وارداتن ۾ ملوث جوابدارن کي گرفتار ڪري علائقي ۾ امن امان جي صورتحال کي بهتر بڻايو وڃي ۽ رات جو پوليس جا اهلڪار مقرر ڪيا وڃن جئين علائقي واسي سک جو ساهه کڻي سگهن