نوشهرو فيروز ۾ وڌندڙ گندگي خلاف ٽئين ڏينھن به مورو سکر روڊ تي ڌرڻو

انتظامي نااهلي سبب شهر گندگي جي ڍير ۾ تبديل ٿي ويو آهي، نوٽيس ورتو وڃي: مطالبو

نوشهرو فيروز (ڊ ر) نوشهرو فيروز ۾ گندگي خلاف 3 ڏينھن تي ب مورو سکر روڊ تي ڌرڻي جو جاري آهي شھر ۾ وڌندڙ گندگي پٽعيدن روڊ اسٽيشن روڊ مٺياڻي روڊ مورو روڊ شاھي بازار ڪاليج روڊ پريس ڪلب سامھون ب بيٺل گندي پاڻي خلاف سياسي، سماجي تنظيمن جو ڌرڻو ، خبر موجب نوشهرو فيروز ۾ وڌندڙ گندگي، شهر کي نئون ڊرينيج سسٽم، رينچ مشين نه ڏيڻ، ويزا سسٽم ۽ ڪرپشن خلاف سياسي سماجي تنظيمن آل پارٹیز الائینس پاران مختلف تنظيمن پاران نيشنل ھائي وي مورو سکر روڊ تي ڌرڻو لڳايو ويو . ڌرڻي جي اڳواڻي اي پي اي اڳواڻ محمد يونس راڄپر، سنڌ صحافي اتحاد جو ایم ظفر تڳر، ايس يو پي اڳواڻ خادم سيال ڪامريڊ مسرور چانڊيو ، جسقم اڳواڻ فريد لاشاري، منير وسطڙو، پ پ پ شهيد ڀٽو جو اڳواڻ خالد چانڊيو، بشارت کوسو، ايس ٽي پي اگواڻ اقبال راڄپر ضمير لنڊ، راجا سولنگي، سيد مدد علي شاه، فقير ميهر علي بهڻ، عتیق الرحمان وسطڙو ۽ ٻيا ڪري رهيا هئا ان موقعي تي اڳواڻ چيو ته نوشهروفيروز جي نااهل انتظاميا ۽ چونڊيل نمائندن جي لاپرواهي سبب نوشهروفيروز شهر 16 وارڊ گندگي جو ڍير بڻجي ويا آهن جنهن سبب نوشهروفيروز جا شهري، معصوم ٻار ۽ شاگرد مختلف بيمارين ۾ وٺجي رهيا آهن پر افسوس انتظاميا ۽ چونڊيل نمائندن جي ڪنن تي جونء به نه ٿي چري هنن چيو ته نوشهروفيروز جا روڊ رستا، مين چوڪ ۽ هيٺائين وارا علائقا، قبرستانن ، اسڪولن ۽ مسجدن سامهون ڊرينيج جو گندو پاڻي بيٺل آھي جنهن ڪري شهري سخت پريشانين کي منهن ڏئي رهيا آهن ۽ دڪاندارن جو ڪاروابار به ٺپ ٿي ويو آهي هر طرف گندگي جا ڍير هجڻ ڪري شهر کنڊر جو ڏيک ڏئي رهيو آهي ميونسپل ڪاميٽي جي 3 ڪروڙ کان وڌيڪ بجيٽ آھي ۽ گذريل ھفتي ڪوڙن ووچر ذريعي ھڪ ڪروڙ 68 لک رپيا ڦٻايا ويا آهن صفائي ڪندڙ سوين ملازمن کي ويزا تي ڇڏيو آھي هنن اعلا اختيارين کان مطالبو ڪيو ته ميونسپل چيئرمين، ميونسپل آفيسر ۽ آڊٽ آفيسر خلاف جاچ ڪري ڪاروائي ڪئي وڃي ٻي صورت ۾ ڌرڻي جو دائرو وڌايو ويندو