خراب معاشي پاليسين جي ڪري سنڌ ۾ بک، بدحالي، بيروزگاري وڌي وئي آھي: اياز لطيف پليجو

views | 25th Apr 2023 • سنڌي خبرون

ٺٽي ساحلي پٽي واري علائقي ۾ رورل هيلٿ سينٽر ٻگھاڻ ۾ هڪ مهيني دوران آپگھات جا 39 ڪيس رپوٽ ٿيا آهن

خراب معاشي پاليسين جي ڪري سنڌ ۾ بک، بدحالي، بيروزگاري وڌي وئي آھي: اياز لطيف پليجو

حيدرآباد(بيورو) قومي عوامي تحريڪ جي سربراھ اياز لطيف پليجي سنڌ ۾ وڌندڙ خودڪشي جي واقعن تي گھري ڏک ۽ افسوس جو اظھار ڪندي چيو آھي تہ خراب معاشي پاليسين جي ڪري سنڌ ۾ بک، بدحالي، بيروزگاري وڌي وئي آھي. زرعي تباھي جي ڪري غربت انتھا تي پھچي وئي آھي.بدحال حالتن جو شڪار ماڻھو، غربت جي انتھائي لڪير کان ھيٺ جيئندڙ ماڻھو خودڪشين ۾ نجات ڳولي رھيا آھن. عيد ڏهاڙن دوران سنڌ ۾ تمام گھڻا خودڪشين جا واقعا ٿيا آھن. ٺٽي ساحلي پٽي واري علائقي ۾ رورل هيلٿ سينٽر ٻگھاڻ ۾ هڪ مهيني دوران آپگھات جا 39 ڪيس رپوٽ ٿيا آهن. عيد دوران ٽن عورتون زھر پيئڻ ڪري فوت ٿيون. حڪمران انھن موتن جا ذميوار آھن. اياز لطيف پليجي چيو تہ آئين ناھي تہ سنڌ وٽ ڪي بہ وسيلا ناھن. ملڪ ۾ سڀ کان وڌيڪ قدرتي وسيلا سنڌ وٽ آھن. سنڌ جيتري خوشحال آھن، ان کان وڌيڪ حڪمرانن سنڌ کي بدحال بنايو آھن. سنڌ حڪومت ۽ وفاقي حڪومت وٽ سنڌ جي ترقي جو ڪو پروگرام ناھي. پيپلز پارٽي حڪومت چاھي تہ سنڌي ماڻھن کي انڪم سپورٽ جي پروگرام جي نالي تي رڳو پنايو وڃي. ڪا بہ نئين انڊسٽري ناھي. ڪو بہ نيوي صنعتي ادارن ناھي. روزگار جا ڪي وسيلا ناھن. سرڪاري نوڪريون رشوت ۽ سفارش کانسواءِ ناھن. ڪرپشن جو راڄ آھي. سپاھي، تپيدار ۽ پٽيوالي کان وٺي ھر ڪرسي تي مقرري لاءِ اگھ مقرر آھن. جيڪو جيترا گھڻا پئسا ڏوندو، ضلعا ۽ شھر انھن جي حوالي ھوندا. انڪري سنڌ ۾ شفافيت ناھي. ڪرپشن، بدعنواني ۽ لاقانونيت جو راڄ آھي. زرعي تباھي جي ڪري ننڍا آبادگار ۽ ھاري ڪنگال ٿي ويا آھن. ٻوڏ اچي ٿي تڏھن بہ سنڌ کي نقصان ۽ پاڻي کوٽ ۾ بہ سنڌ کي شڪار بنايو وڃي ٿو. اياز لطيف پليجي چيو تہ جيڪا حالت سنڌ سان ڪئي وئي آھي. سنڌ کي اڻڪيل ڏوھ جي سزا ڏني پئي وڃي. ھي خودڪشيون نہ پر قتل آھن. حڪمران انھن قتلن جا ذميوار آھن. زندگي جي انت جو فيصلو انتھائي فيصلو آھي. سڀ رستا بند ڏسي ماڻھو اھڙا فيصلا ڪري ٿو. ٻچن کي بکيو ۽ بدحال ڏسي ماڻھو موت جي قبولين ٿا. ناانصافي، جبر کان تنگ ٿي ماڻھو پاڻ کي مارين ٿا. اٽي، لٽي ۽ اجھي جو نعرو ھڻي ماڻھن سان غداري ڪئي وئي آھي.