ملير: ڀينس ڪالوني ويجهو وين کي باهه، ٻارڙن ۽ عورتن سميت 10 ڄڻا سڙي زخمي

ملير (رپورٽ: عبدالرشيد مورجھريو) ڀينس ڪالوني لڳ قومي شاهراهه تي مسافر وين کي باھ، چئن ٻارڙن ۽ 2 عورتن سميت 10 ڄڻا زخمي، جناح اسپتال منتقل، گيس وجهرائن بعد وين کي اوچتو باھ وڪوڙي وئي، گئس سلنڊر به نه ڦاٽو باھ جو سبب معلوم نه ٿي سگهيو آهي وڌيڪ جاچ ڪئي پئي وڃي، پوليس، تفصيل موجب ڀينس ڪالوني لڳ قومي شاهراهه تي گذريل رات دير سان ٽنڊو محمد خان کان ڪراچي ايندڙ مسافر وين جيئن ئي گئس ڀرائي نڪتي ته اوچتو گاڏي کي ٻاهي وڪوڙي وئي جنهن دوران مسافرن ۾ ڪيهاٽ پئجي ويا باھ دوران گاڏي مان لهندي لهندي 4 ٻارڙن ۽ ٻن عورتن سميت 5 ورهين جي يسره پيءُ منور علي، 10 ورهين جي تسبيحه پيءُ رفيق، 7ورهين جي غزره پيءُ دلبر، 2 ورهين جي سارہ پيءُ منور 25 ورهين جي ماريه 30 ورهين جي دنيا 50 ورهين جو عامر بخش پٽ عمر، 35 ورهين جو عثمان پٽ عمر، 18 ورهين جي حفيظ پٽ رفيق سميت 10 کان وڌيڪ مسافر زخمي ٿي پيا جن کي فوري طور جناح اسپتال منتقل ڪيو ويو جتي ٻن ڄڻن جي حالت ڳڻتي جوڳي ٻڌائي پئي وڃي، ان موقعي تي رهاشي ٻڌايو تب گيس وجهرائن بعد وين کي اوچتو باھ وڪوڙي وئي ته مسافر باھ دوران وين مان لهندي زخمي ٿي پيا جڏهن ته باھ باوجود گئس سلنڊر نه ڦاٽو هو آخري اطلاعن تائين باھ جو سبب معلوم نه ٿي سگهيو پوليس موجب وين ۾ باھ لڳڻ بابت وڌيڪ جاچ ڪئي پئي وڃي