گهگهر ويجهو سسئي ٽول پلازه وٽ جهيڙو، فائرنگ، علائقو جنگ جو ميدان بڻجي، ڪيترائي زخمي

ٻن ڌرين ۾ جهيڙي دوران هڪٻئي تي پٿراءُ، لٺين ۽ سيخن جو وسڪارو

ملير (رپورٽ: عبدالرشيد مورجھريو) گهگهر لڳ سسئي ٽول پلازه ويجهو ٻن ڌرين ۾ جهيڙو، فائرنگ، پٿراءُ لٺين ۽ لوهي سيخن جو استعمال، ڪيترائي ماڻهو زخمي، علائقو ميدان جنگ بڻجي ويو، عورتون ۽ مرد ڪيهاٽ ڪندا گهرن مان ٻاهر نڪري آيا، سوين ماڻهن جو قومي شاهراهه تي ڌرڻو، اسان جي ڳوٺ مٿان بلا جواز ڪاهه ڪري چادر ۽ چارديواري جو تقدس پامال ڪيو ويو آهي، جوابدار فوري طور تي گرفتار ڪيا وڃن، گلاب کوسو ۽ سينگار بليدي جون صحافين سان ڳالهيون تفصيل موجب، گهگهر لڳ سسئي ٽول پلازه ويجهو ٻن ڌرين ۾ جهيڙو ٿي پيو، هڪ ڌر جا هٿياربند ماڻهو فائرنگ ڪندا مراد کوسو ڳوٺ گهرن ۾ گهڙي پيا ته عورتن ۽ ٻارن ۾ ڪيهاٽ پئجي ويا، جھيڙي ۾ لٺين ۽ لوهي سيخن جي آزادانه استعمال سبب قومي عوامي تحريڪ جي اڳواڻ سينگار بليدي سميت ڪيترائي ماڻهو زخمي ٿي پيا ۽ علائقو ميدان جنگ بڻجي ويو مڇريل ماڻهن جواب ۾ پٿراءُ ڪري ڏنو ان سلسلي ۾ جهيڙي ۾ زخمي ٿيل سينگار بليدي ۽ ڳوٺ جي معزز گلاب کوسو صحافين کي ٻڌايو ته معمولي ڳالهه تان ٻن ڌرين پٺاڻ ۽ سنڌين ۾ جهيڙو ٿي پيو جنهن سبب فائرنگ ڪئي وئي عورتون مرد ٻار گهرن مان ٻاهر نڪري آيا شديد پٿراءُ ڪيو ويو ۽ هڪٻئي مٿان لٺين جا وسڪارا هوائي فائرنگ ڪئي وئي سندن چوڻ هو ته پٺاڻن اسان جي ڳوٺ تي بلا جواز ڪاھ ڪري چادر ۽ چارديواري جو تقدس پامال ڪيو آهي اسان جي عورتن مٿان حملو ڪيو ويو آهي فائرگ ڪئي وئي آهي جوابدار گرفتار ڪري مٿن دهشتگردي جا ڪيس داخل ڪيا وڃن، جڏهن ته ڳوٺ جي عورتن ۽ مردن سميت قومي شاهراهه تي ڌرڻو هڻي روڊ مڪمل طور تي بند ڪري ڇڏيو