ملير جي عوامي پريس ڪلب ۾ انساني صورتحال ۽اسانجو آئندو جي عنوان هيٺ سيمينار

ملير سميت سڄي ڪراچي جي ٻھراڙين ۾ انساني بنيادي حقن جي بدترين لتاڙ آھي پيئڻ جو پاڻي اڻلڀ آهي: مقرر

ملير(رپورٽ: عبدالرشيد مورجھريو)انساني حقن جي عالمي ڏھاڙي جي موقعي تي ملير ۾ عوامي پريس ڪلب طرفان سنڌ ملير ۾ انساني صورتحال ۽اسانجو آئندو جي عنوان هيٺ سيمينار، سياسي سماجي اڳواڻن وڪيلن ۽ علائقي واسين جي وڏي تعدا ۾َشرڪت، ملير سميت ڪراچي ٻھراڙين ۾ انساني بنيادي حقن جي بدترين لتاڙ آھي پيئڻ جي پاڻي کان وٺي زمين تي قبضا ڪري ڳوٺ ڊاهيا پيا وڃن انتظاميا عدالتون ۽ انساني حقن جا ادارا خاموش آھن خداڏنو شاھ، ايڊيوڪيٽ اشرف سمون، منان شيخ ۽ ٻين جو خطاب تفصيل موجب انساني حقن جي عالمي ڏھاڙي جي موقعي تي ملير ۾ عوامي پريس ڪلب طرفان رزاق آباد ۾ سنڌ ملير ۾ انساني حقن جي صورتحال ۽اسانجو آئندو جي عنوان هيٺ سيمينار ٿي گذريو جنهن ۾ سياسي سماجي اڳواڻن وڪيلن ۽ علائقي واسين جي وڏي تعدا ۾شرڪت ڪئي ان موقعي تي خطاب ڪندي سياسي سماجي اڳواڻ خداڏنو شاھ چيو ته ڪراچي ٻھراڙين خاص طور تي ضلعي ملير ۾ بنيادي انسان حقن جي بدترين لتاڙ آھي صدين کان آباد ڌرتي ڌڻي پاڻي سميت سموري بنيادي انساني سھوليتن کان محروم آهن پھريون ڀيرو عوامي پريس ڪلب ملير ٻھراڙين ۾ انساني حقن تي سيمينار سڏائي ماڻهن جو ڌيان ڇڪايو آھي هن چيو ته حق تي پنهنجي جاء تي پر ٻھراڙين ۾ رهندڙ ماڻهن جو جئياپو تنگ ڪيو ويو آھي ڳوٺ ڊاھڻ گهرن کي باهيون ڏيڻ زمين تي قبضا ڪرڻ روز جو معمول بڻيل آھي ۽ اسان جا ادرا خاموش تماشائي بڻيل آھن ڪنهن به انساني چارٽر تي عمل نٿو ڪيو وڃي سپريم جي ايڊوڪيٽ اشرف سمون چيو ته ڪراچي ٻھراڙين جي تاريخي حثيت کي ختم ڪري زمين وڪرو ڪرڻ جا قانوني بھانا تلاش ڪيا ويا آهن روينيو عدالتون ۽ قانون خريد ڪيا ويا آهن ڪٿي به انصاف ملڻ جو آسرو ناهي هن ملير سميت سڄي سنڌ جي عوامي کي اپيل ڪئي ته پنهنجي بقا ۽ انساني حقن کي حاصل ڪرڻ لاء متحد ۽ منظم ٿي جدوجهد ڪن قومي عوامي تحريڪ جي اڳواڻ منان شيخ چيو ته اسان وٽ انساني حقن جو حال هي آھي ته ماڻهون قتل ٿي وڃي ته ڪيس داخل نٿو ٿي جڏهن ته سڌريل ملڪن ۾ مڙس زال تي تشدد يا پيءُ پٽ کي چماٽ هڻي تي ڪاروائي ڪئي وڃي ٿي هن چيو ته انساني حقن جا علمبردار وڏي هوٽلن ۾َپروگرام ڪن ٿا جن جا حق هڙپ ٿيل ئي ناهن هن چيو ته سنڌو دريا مان 6ڪئينال ڪڍي انساني اخلاقي ۽ قانوني حقن جي ڀڃڪڙي ڪئي ويئي آھي ماڻهون رستن تي احتجاج ڪري رهيا آهن پر ڪو به ٻڌڻ وارو ناهي ان موقعي تي عوامي پريس صدر سامي ميمڻ، سنڌ سماجي سٿ جي غلام نبي مگسي، جنسار هيسباڻي، فاروق ڀنگوار، عنايت شاھ ۽ ٻين خطاب ڪيو