ٺٽو پوليس پاران ضلعي جي مختلف علائقن ۾ سرچ اينڊ ڪومبنگ آپريشن

سرچ اينڊ ڪومبنگ آپريشن دوران هوٽلن، گيسٽ هائوسز ۽ ڪيترن ئي گاڏين جي تلاشي ورتي وئي: ايس ايس پي

ٺٽو(ڊ ر) ايس ايس پي ٺٽو جي هدايتن تي ٺٽو پوليس پاران سڄي ضلعي ۾ سرچ اينڊ ڪومبنگ آپريشن ڪيو ويو ته جيئن امن امان جي فضا برقرار رهي. آءِ جي سنڌ غلام نبي ميمڻ ۽ ڊي آءِ جي حيدرآباد رينج طارق رزاق ڌاريجو جي حڪم تي ايس ايس پي ٺٽو ڊاڪٽر محمد عمران خان جي هدايت تي ايس ڊي پي اوز جي نگراني ۾ ضلعي ٺٽي ۾ سرچ اينڊ ڪومبنگ آپريشن ڪيو ويو سرچ اينڊ ڪومبنگ آپريشن دوران هوٽلن، گيسٽ هائوسز ۽ ڪيترن ئي گاڏين جي تلاشي ورتي وئي، ان کان علاوه پوليس جي جديد ٽيڪنيڪل سسٽم سي آر آءِ ۽ سرچ سافٽ ويئر تحت ڪيترن ئي شڪي ماڻهن جي تصديق پڻ ڪئي پئي وڃي. ايس ايس پي ٺٽو جو چوڻ آهي ته ٺٽي ضلعي ۾ امن امان برقرار رکڻ لاءِ ايس ڊي پي اوز جي سربراهي ۾ ضلعي ۾ سرچ اينڊ ڪومبنگ آپريشن ۽ جنرل هولڊ اپ ناڪبندي ڪئي وئي آهي. پوليس پاران سرچ اينڊ ڪومبنگ آپريشن ۾ شامل ماڻهن کي پيغام ڏنو ويو ته جيڪڏهن ڪو به شڪي ماڻهو نظر اچي يا ڪا ڳجهي اطلاع ملي ته فوري طور تي پوليس کي اطلاع ڪن ته جيئن علائقي ۾ ڪو به اڻوڻندڙ واقعو پيش نه اچي. ايس ايس پي ٺٽو جو وڌيڪ چوڻ هو ته ضلعي ۾ امن امان جي فضا برقرار رکڻ ۽ ضلعي ۾ قانون جي بالادستي برقرار رکڻ ۽ عوام جي جان و مال جي حفاظت لاءِ هر ممڪن قدم کنيا ويندا ۽ ڏوهاري عناصرن ۽ معاشرتي براين خلاف بنا فرق جي ڪارروائي جاري رکي ويندي..