نوشهروفيروز جي درٻار صاحب جمناداس اُداسين ۾ به گرونانڪ جو 555هون جنم ڏهاڙو ملهايو ويو

views | 15th Nov 2024 • سنڌي خبرون

درٻار جي گادي نشين رام داس جنم ڏهاڙي جو ڪيڪ ڪاٽيو ۽ ڏولي پڻ کنئي ويئي

نوشهروفيروز جي درٻار صاحب جمناداس اُداسين ۾ به گرونانڪ جو 555هون جنم ڏهاڙو ملهايو ويو

نوشهرو فيروز(ڊر)بابا گرونانڪ جو 555هون جنم ڏهاڙو درٻار صاحب بابا جمناداس اُداسين نوشهرو فيروز ۾ ملهايو ويو جنهن ۾ درٻار جي گادي نشين سائين رام داس صاحب جنم ڏهاڙي جو ڪيڪ ڪاٽيو ۽ ڏولي پڻ کنئي ويئي. ان موقعي تي ڳالهائيندي سائين رام داس چيو ته بابا گرونانڪ ماڻهن جي دلين ۾ مساوات، مالڪ جي عشق ۽ روحانيت جون روشنيون ٻاريون سندس تعليم جو مکيه مقصد سماجي انصاف ۽ اخلاقي اصلاح هو. اسان سندس ڏنل سبق تي هلي جنم سفلو بڻائي سگهون ٿا. نوشهرو فيروز درٻار ۾ سنڌ جي مختلف شهرن مان آيل سوين عقيدتمندن ۽ مريدن وڏي تعداد ۾ شرڪت ڪئي. هن جنم پروگرام ۾ ڀڳت سونُو ڪمار تلريجا جيڪب آباد واري ۽ سندس سنگت ستسنگ ڪيو. جڏهن ته ڪِيرتن، پاٺ صاحب جو ڀوڳ، انند صاحب، آرتي ۽ ارداس به ڪيو ويو. ڀڳت مرليڌر، رامن داس، ديپڪ ڪمار، اوم پرڪاش ۽ ٻين مستي مچائي