ٺٽي ۾ ڳوٺ ڪارو شيدي واسي نوجوان جو گهرڀاتين سميت احتجاج

گذريل رات بااثرن رڪشا ڦرڻ جي ڪوشش ڪئي، تشدد به ڪيو: نياز جاکرو

ٺٽو ( شفيق ڀٽي)ڳوٺ ڪارو شيدي پاور ھائوس مڪلي جي رھواسي نياز جاکرو پٽ الھورايو جاکرو سندس ماءُ زرينه ، ڀاڄائي نسرين ۽ ڀاءُ مصري جاکرو سان گڏ عوامي پريس ڪلب ٺٽو تي پريس ڪانفرنس ڪندي چيو ته ھو ھڪ رڪشا ڊرائيور آھي ۽ سڄو ڏينهن پورھيو ڪري پنھنجي ٻچن جو گذر سفر ڪندو آھي. گذريل رات جڏھن ھو پنھنجي گھر واپس اچي رھيو ھو ته ڪجھ ماڻھو جن ۾ پنيو خاصخيلي ، مڪان ، جاجي ، ٻوڙو خاصخيلي۽ اعجاز ملاح ۽ ٻيا شامل هئا تن منھنجو رستو روڪي گاڏي ڦرڻ جي ڪوشش ڪئي منھنجي مزاحمت ڪرڻ تي ھنن مونتي سخت تشدد ڪيو منھنجي رڙين تي منھنجا گھر ڀاتي ۽ مھمان ڊوڙي آيا ۽ مونکي بچائڻ جي ڪوشش ڪئي ته مذڪوره ماڻھن ھنن کي بہ بخش نہ ڪيو ۽ سخت تشدد ڪيو جنھنڪري رفيق شورو ، جاويد شورو ۽ موٽو شورو کي بہ تمام گھڻا ڌڪ لڳا ۽ منھنجي ڀاڄائي نسرين به سخت زخمي ٿي پئي ، اسان جي رڙين تي پاڙي وارن اسانکي بچايو ۽ جوابدار اسانکي گھر خالي ڪرڻ ۽ جان کان مارڻ جون ڌمڪيون ڏيندا روانا ٿي ويا ۽ اسين اتان جان بچائي ڀڄي اچي ٺٽي شھر ۾ پنھنجي عزيزن وٽ پناھ ورتل آھيون ھنن جو وڌيڪ چوڻ ھو ته اسان ھن واقعي جو ڪيس مڪلي ٿائي تي داخل ڪرايو آھي ۽ 15وارن وٽ به ڪيس داخل ڪرايو آھي پر ھنن جوابدارن خلاف اڃا تائين ڪابه ڪارروائي نه ڪئي آھي ھنن جو وڌيڪ چوڻ ھو ته اسان جي خوف سبب گھر خالي ڪرڻ بعد جوابدار اسانجو گھر ۾ پيل قيمتي سامان به چورائي کڻي ويا آھن ان موقعي تي مسمات زرينه روئندي ٻڌايو ته اسان سان مذڪوره ماڻھن تمام گھڻو ظلم ڪيو آھي اسانکي پنھنجي گھرن مان تڙي ڪڍي ڇڏيو آھي ھن چيو ته اسانکي جوابدارن مان جان جو خطرو آھي ھنن ايس ايس پي ٺٽو , ڊي آئي جي حيدرآباد ، آئي جي سنڌ ۽ ٻين وس وارن کان انصاف جو مطالبو ڪندي گھر ڪئي آھي تہ جوابدارن خلاف فوري ڪارروائي ڪري مٿن ڪيس داخل ڪري اسانکي انصاف مھيا ڪيو وڃي ۽ گڏوگڏ مڪلي پوليس ۽ 15 انچارج کي پابند بڻايو وڃي ته ھو جوابدارن جي بي جا مدد بجاءِ مظلومن جي مدد ڪن.