ور شهر واسڻ بيواهه عورت ڏير خلاف عوامي پريس ڪلب ٺٽو پهچي وئي

مڙس جي وفات کانپو ڏير طالب چانڊيو لالچ ۾ اچي پلاٽ تان لڏائڻ لاءِ ظلم ڪري رهيو آهي: ماروي چانڊيو

ٺٽو( محمد شفيق ڀٽي) ور شھر جي رھائشي مسمات ماروي چانڊيو، عوامي پريس ڪلب تي پريس پريس ڪانفرنس ڪندي چيو آھي تہ ھو بيواھ آھي،سندس مڙس جي وفات کان پو سندس ڏير طالب چانڊيو لالچ ۾ اچي کيس پلاٽ تان لڏائڻ خاطر مٿس ظلم ڪري رھيو آھي،ھن چيو تہ سندس ڏير ٺرو، ھيروئن، آئيس ۽ ٻي منشيات کپائيندو آھي جنھن ڪري پوليس ساڻس مددگار بڻيل آھي،ھن چيو تہ منھنجي ڏير تشدد ڪري منھنجي پٽ غلام حسين کي زبردستي لڏائي ڇڏيو آھي،ٻي پٽ فدا تي پوليس سان ملي 10 ٿيليون ٺري جون رکي ڪوڙو ڪيس داخل ڪري کيس بدين جيل موڪليو جنھن کي مون اڌاري قرض کڻي آزاد ڪرايو آھي تہ وري ٻي پٽ نظير کي ٻن ڏينھن کان پيرپٺو پوليس ھٿان گم ڪرائي ڇڏيو اٿس،ھن چيو تہ منھنجي ڏير مون تي ظلمن جا پھاڙ ڪيرائي ڇڏيا آھن،ھن چيون تہ مون پيرسن تي ڪالھ رات سخت تشدد ڪيو اٿس، ھن ايس پي ٺٽو کان انصاف جو مطالبو ڪيو آھي.