نوشهرو فيروز ۾ٻارن ۾ غذائي کوٽ پوري ڪرڻ بابت ضلعي ڪاميٽي جي گڏجاڻي

ايڊيشنل ڊپٽي ڪمشنر ٽو محمد مستقيم قريشي جي صدارت ۾ گڏجاڻي ٿي

نوشهروفيروز (ڊ ر)ٻارن ۾ غذائي کوٽ پوري ڪرڻ بابت ضلعي ڪاميٽي جي ھڪ گڏجاڻي ايڊيشنل ڊپٽي ڪمشنر ٽو محمد مستقيم قريشي جي صدارت ۾ ڊي سي آفيس جي ڪميٽي روم ۾ منعقد ٿي . گڏجاڻي ۾ ريجنل ايگريڪلچر ڊولپمينٽ (راڊو) ، ڌرتي ڊولپمينٽ فائونڊيشن ، عوامي فلاح بھبود سميت مختلف سماجي تنظيمن ، پاپوليشن ويلفيئر کاتي، صحت کاتي ، پي پي ايڇ آء ۽ مختلف کاتن جي آفيسرن شرڪت ڪئي .ان موقعي تي خطاب ڪندي ايڊيشنل ڊپٽي ڪمشنر ٽو محمد مستقيم قريشي چيو ته ھر کاتو پنهنجو فوڪل پرسن مقرر ڪري ۽ ان جي گڏجاڻي ۾ شرڪت کي يقيني بڻايو وڃي.ان چيو ته غذائي کوٽ جو شڪار ٻار جو مختلف بيمارين ۾ مبتلا ٿيڻ جو خطرو وڌيڪ ھوندو آھي ، ھن لاڳاپيل کاتن جي آفيسرن ۽ سماجي ڀلائيءَ جي تنظيمن تي زور ڀريو ته ٻارن ۾ نيوٽريشن (غذائي کوٽ) کي ختم ڪرڻ لاء اثرائتا قدم کڻن ته جئين غذائي کوٽ تي ڪنٽرول ڪري سگهجي ان چيو ته ڪوآر ڊينيشن جي گيپ کي ختم ڪرڻ لاء واٽس اپ گروپ ٺاھيو وڃي ته جئين بھتر رابطي کي يقيني بڻائي سگهجي ھن هدايت ڪئي ته سڀئي لاڳاپيل آفيسر گڏجاڻي کان ھڪ ھفتو اڳ پنهنجي رپورٽ ڊي سي آفيس وٽ جمع ڪرائين ۽ زور ڀريندي چيو تہ غذائي کوٽ جي شڪار ٻارن کي پوليو کان بچاءَ جا ڦڙا پيارڻ کي يقيني بڻايو وڃي . ان کان اڳ مختلف سماجي تنظيمن جنهن ۾ صحت کاتو ، پاپوليشن ويلفئير کاتي سميت مختلف سماجي تنظيمن جن ۾ راڊو ، ڌرتي ڊولپمينٽ فائونڊيشن ۽ عوامي فلاح بھبود شامل آھن پنهنجي ڪاڪردگي رپورٽ گڏجاڻي آڏو پيش ڪئي ، گڏجاڻي ۾ صحت کاتي جو ڊاڪٽر عبدالستار ٻلال ، ڊسٽرڪٽ پاپوليشن ويلفئير آفيسر محمد اسماعيل ڪلھوڙو اين جي اوز جو غلام مصطفى آڪاش ، فقير وريام ھيسباڻي ، لوڪل گورنمنٽ خليل احمد ميمڻ شرڪت ڪئي .