ملير ۾ خوراڪ جي عالمي ڏينهن تي ابراهيم حيدري جي موٽاڻي جيٽي ۾ گڏجاڻي منعقد

گڏجاڻي پاڪستان فشر فوڪ فورم ڪراچي ڊويزن جي صدر مجيد موٽاڻي جي صدارت هيٺ ٿي

ملير (رپورٽ: عبدالرشيد مورجھريو) خوراڪ جي عالمي ڏينهن جي موقعي تي ابراهيم حيدري جي معززن جي گڏجاڻي ابراهيم حيدري جي موٽاڻي جيٽي ۾ ٿي، پاڪستان فشر فوڪ فورم ڪراچي ڊويزن جي صدر مجيد موٽاڻي جي صدارت هيٺ معززين جي گڏجاڻي ٿي، ابراهيم حيدري جي مردن ۽ عورتن وڏي انگ ۾ شرڪت ڪئي، پروگرام جي شروعات قرآن پاڪ جي تلاوت سان ڪئي وئي، تلاوت کان پوءِ ايوب شان گڏجاڻي جي مقصد تي روشني وڌي ۽ چيو ته فشر فوڪ فورم ماهيگيرن جي قومي سطح جي تنظيم آهي، اسان ماهيگيرن جي مسئلن جي حل لاءِ گڏيل ڪوششون ڪري رهيا آهيون پائيدار ماهيگيري پاليسي، موسمياتي تبديلي، فشرمين ڪوآپريٽو سوسائٽيءَ ۾ اليڪشن ۽ ماهيگيرن جي نمائندن تي مشتمل بورڊ، مڇيءَ جي قيمتن، ۽ ڪسٽم طرفان ماهيگيرن کي هراسان ڪرڻ جهڙن مسئلن تي ڳالهايو، فشر فوڪ ڪراچي جي جنرل سيڪريٽري طالب ڪڇي سمورن شرڪت ڪندڙن جو شڪريو ادا ڪيو ۽ ماهيگيرن جي حقن لاءِ جدوجهد تيز ڪرڻ جو اعلان ڪيو، سعيد بلوچ چيو موسمياتي تبديلين جي اثرن تي ڪم ڪرڻ لاءِ حڪمت عملي جوڙي آھي ۽ فشرمين ڪوآپريٽو سوسائٽيءَ ۾ چونڊون ڪرائڻ جو مطالبو مطالبو ڪيون ٿا، گڏجاڻي کي سردار سهيل ڄاموٽ، پاڪستان فشر فوڪ فورم مرڪزي جنرل سيڪريٽري سعيد بلوچ، سينئر وائيس چيئرپرسن فاطمه مجيد ، ايوب شان، محمد اشرف، مجيد موٽاڻي ۽ ٻين خطاب ڪيو،