نوشهروفيروز ۾ صحافين جي تحفظ، خطرن ۽ اظھار جي آزادي بابت تربيتي ورڪشاپ منعقد

نوشهروفيروز ۾ صحافين جي تحفظ، خطرن ۽ اظھار جي آزادي بابت تربيتي ورڪشاپ منعقد

نوشهروفيروز(ڊ ر) پريس ڪلب نوشهروفيروز ۽ نوشهروفيروز يونين آف جرنلسٽس جي تعاون سان صحافين جي تحفظ، خطرن ۽ اظھار جي آزادي بابت صحافين جو ھڪ ڏينھن وارو تربيتي ورڪشاپ پريس ڪلب نوشهروفيروز ۾ ٿيو. ان موقعي تي سينئر صحافي ۽ پي ايف يو جي اڳوڻي مرڪزي سيڪريٽري جنرل ناصر زيدي چيو ته صحافين لاءِ ھي وقت ضياءُ جي مارشلا کان وڌيڪ خطرناڪ بڻجي ويو آھي. ڇاڪاڻ ته مارشلائن جي دور ۾ صحافين کي پڪڙي جيل جون سزائون ڏنيون وينديون ھيون جا وڙي ڪوڙا وسايا ويندا ھئا پر ھاڻي صحافين کي سزا ڏيڻ لاءِ قتل ڪري سندن زندگي ئي کسي وڃي ٿي. صحافي ڪنھن بہ طرح محفوظ ناھي رھيو. اظھار جي آزادي تي پابندي لڳل آھي. سماج مان برداشت ختم ٿي وئي آهي. نوشهروفيروز يونين آف جرنلسٽس جي صدر زاھد قائمخاني چيو ته صحافين کي صحت، لائف انشورنس ۽ سيڪيورٽي جھڙن مسئلن سان منھن ڏيڻو پوي ٿو. خبر ڏيڻ تي ڪيسن کي منھن ڏيڻو پوي ٿو. مقتول صحافين جي ٻارن جي حڪومت مدد ڪرڻ لاءِ تيار ناھي. حڪومت صحافي جي ٻارن لاءِ ويلفيئر پاليسي آڻي ته جيئن انھن جي زندگي بھتر ٿي سگھي. پريس ڪلب نوشهروفيروز جي جنرل سيڪريٽري ساگر سھيل منگي چيو ته صحافين کي تربيت ڏيڻ جي ضرورت آھي. ڇاڪاڻ ته صحافين جي تربيت نه ٿيڻ جي ڪري انھن سان مسئلا پيش اچن ٿا. ٽي ڊي اي اي جي نمائندي سيد عبدالحد چيو تہ اسان ملڪ جي ڪيترن ئي شھرن ۾ صحافين لاءِ تربيتي ورڪشاپ ڪرايا آھن ته جيئن صحافي پنھنجون ذميواريون بھتر نموني نڀائي سگھن. ورڪشاپ کي صحافي ۽ اديب زاھد راڄپر، مظھر خاصخيلي ۽ خطاب ڪيو. جڏھن ته گھوٽڪي جي صحافين نصرالله گڏاڻي، محمد بچل گھنڃو، سکر جي صحافي جان محمد مھر جا قاتل گرفتار ڪرڻ جو مطالبو ڪيو ويو.