جھمپير ۽ ڀرپاسي ڪوھستاني پٽي ۾ بااثرن پاران پاڻي جي لنگھن تي مبينا قبضا

جھمپير ۽ ڀرپاسي ڪوھستاني پٽي ۾ بااثرن پاران پاڻي جي لنگھن تي مبينا قبضا

ٺٽو(ڊ ر) جھمپير ْ۽ ان جي اسپاس ڪوھستاني پٽي ۾ بااثر ماڻھن پاران قبضا ڪرڻ بعد ھاڻي قدرتي جابلو پاڻي جي لنگھن تي بہ قابض بڻجي انھن کي ڳرين مشينن ذريعي بند لڳائي پاڻي جي چوڙ کي بند ڪيو پيو وڃي، جيڪو پاڻي ڪنھن بہ وقت وڏي نقصان جو ڪارڻ بڻجي سگھي ٿو، پر انتظاميہ ڪوبہ تحرڪ ناھي ورتو، جنھن ڪري علائقي واسي خوف ۾ ورتل آھن، ان سلسلي ۾ متاثر ٿيندڙ ڪيترن ئي مقامي رھواسين دانھيندي الزام ھڻندي چيو آھي تہ بااثر ماڻھن طاقت جي زور تي جھمپير لڳ قدرتي جابلو پاڻي جي لنگھ نئين ٻاڙي کي ڳري مشينري ذريعي بند لڳائي پاڻي کي ڪينجھر ڍنڍ ۾ ڇوڙ ڪرڻ کان روڪيو پيو وڃي، جيڪو ڪنھن بہ وقت وڏي نقصان جو ڪارڻ بڻجي سگھي ٿو، ڇاڪاڻ جو روڊ جي ھڪ پاسي عوامي آبادي آھي تہ ٻئي پاسي ريلوي ٽريڪ آھي، جابلو پاڻي جي ھن وڏي وھڪري نئي ٻاڙي جي پاڻي کي اھڙي طريقي سان بند لڳائي روڪيو ويو تہ برساتون پوڻ بعد کين وڏو نقصان پھچي سگھي ٿو، پر انتظاميہ اڃان تائين ڪوبہ تحرڪ ناھي ورتو، ھنن ڊي سي ٺٽو، چونڊيل نمائندن سميت سمورن وس وارن کان مطالبو ڪيو آھي تہ فورن نوٽيس وٺي نئي ٻاڙي تي بااثر ماڻھن پاران ڳرين مشينن ذريعي لڳندڙ بند کي ختم ڪرائي بااثر ماڻھن خلاف ڪاروائي ڪري قدرتي پاڻي جي لنگھن کي قبضن کان اجو ڪرائي علائقي واسين کي امڪاني نقصان کان بچايو وڃي، ٻئي صورت ۾ سخت احتجاج ڪيو ويندو.