ٽنڊو آدم ۾ پوليس جون ڪارروائيون، منشيات فروشن ۽ ڊوائيس ھولڊرن سميت 3 ڄڻا گرفتار

views | 11th Jul 2024 • سنڌي خبرون

ٽنڊو آدم ۾ پوليس جون ڪارروائيون، منشيات فروشن ۽ ڊوائيس ھولڊرن سميت 3 ڄڻا گرفتار

ٽنڊو آدم ۾ پوليس جون ڪارروائيون، منشيات فروشن ۽ ڊوائيس ھولڊرن سميت 3 ڄڻا گرفتار

ٽنڊوآدم (حسنين عاشق ساند) ٽنڊوآدم پوليس جي ڪارروائي بينظير انڪم سپورٽ پروگرام مان ڪٽوتي ڪندڙ ٻه ڊيوائس هولڊر گرفتار، چرس جو ڊيلر گرفتار، 1 ڪلو کان وڌيڪ چرس ھٿيڪي. تفصيل موجب ٽنڊوآدم پوليس جون ڏوهارين ۽ منشيات جي خاتمي لاءِ مسلسل ڪاروايون جاري آهن. ايس ايڇ او ٽنڊوآدم غلام شبير دلواڻي بينظير انڪم سپورٽ پروگرام جي رقم ورهائڻ جي حوالي سان ٻه ڊيوائس هولڊر ذيشان احمد آرائين ۽ پرويز احمد دستي کي رقم مان ڪٽوتي جي شڪايت تي گرفتار ڪري سندن ڊيوائسز ضبط ڪري ورتيون آهن. جڏهن ته هڪ ٻئي ڪاروائي ۾ ٽنڊو آدم پوليس چرس جي ڊيلر محمد اشرف عرف شبو کي گرفتار ڪري سندس قبضي مان 01 ڪلو 15 گرام چرس هٿ ڪري ورتي آھي. ياد رهي ته ٽنڊوآدم ۾ بينظير انڪم سپورٽ پروگرام جي قسط ورهائڻ لاء قائم ڪيمپس تي سرعام ڪٽوتي جاري آھي ڪيترين ئي شڪايتن بعد ڪالھه ڊپٽي ڪمشنر سانگھڙ پاران نوٽيس وٺندي اسسٽنٽ ڪمشنر ٽنڊوآدم کي ڪٽوتي ڪندڙ ڊوائيس هولڊر خلاف ايف آء آر داخل ڪرائڻ واري هدايتن بعد اها ايف آء آر داخل ڪئي وئي آهي.