سندھ حکومت نے پریمیم نمبر پلیٹس کی قیمتوں میں اضافے کا اعلان کردیا

سندھ حکومت نے پریمیم نمبر پلیٹس کی قیمتوں میں اضافے کا اعلان کردیا

کراچی: سندھ حکومت نے گاڑیوں کی پریمیم نمبر پلیٹس کی قیمتوں میں اضافے کا اعلان کردیا۔ کراچی میں پریس کانفرنس کرتے ہوئے سینئر صوبائی وزیر شرجیل میمن نے کہا کہ سندھ حکومت نے محکمہ ایکسائز کو ٹیکس وصولی کے لیے 130 ارب روپے کا ہدف دیا تھا، لیکن ہم نے ہدف سے زیادہ ٹیکس وصول کیا ہے، وہ سست ہیں۔ شرجیل میمن نے کہا کہ سیلاب متاثرین کے لیے دنیا کی سب سے بڑی ہاؤسنگ اسکیم کا آغاز کیا گیا ہے اور 21 لاکھ خاندانوں کو گھر فراہم کرنے کا منصوبہ ہے۔ صوبائی وزیر نے کہا کہ ہمیں پریمیم نمبر پلیٹس کی نیلامی میں اچھا فیڈ بیک ملا، ہم نیلامی میں نمبر پلیٹس کی قیمت بڑھانے جا رہے ہیں، پہلے پریمیم نمبر پلیٹس سفارش پر دی جاتی ہیں اور قیمتیں کم تھیں۔ انہوں نے کہا کہ جب سے یہ حکومت آئی ہے نارکوٹکس ونگ نے 141 آپریشن کیے، ان کارروائیوں میں 158 مشتبہ افراد کو گرفتار اور 114 گاڑیاں قبضے میں لی گئیں۔