ٽنڊوآدم ۾ محرم الحرام جي جلوسن ۽ مجلسن جي سيڪيورٽي لاء سانگهڙ پوليس پاران سخت انتظام

ٽنڊوآدم ۾ محرم الحرام جي جلوسن ۽ مجلسن جي سيڪيورٽي لاء سانگهڙ پوليس پاران سخت انتظام

ٽنڊوآدم (حسنين عاشق ساند) محرم الحرام جي جلوسن ۽ مجلسن جي سيڪيورٽي لاء سانگهڙ پوليس پاران سخت انتظام، 2478 پوليس آفيسر ۽ اهلڪار سيڪيورٽي ڊيوٽي تي مقرر. تفصيل موجب سانگهڙ ضلعي ۾ پوليس پاران عاشورا محرم الحرام جي جلوسن ۽ مجلسن جي سيڪيورٽي لاءِ سيڪيورٽي جا انتهائي سخت انتظام ڪيا ويا آهن، 2478 پوليس آفيسر ۽ اهلڪار جلوسن ۽ مجلسن جي سڪيورٽي لاءِ ڊيوٽي تي مقرر ڪيا ويا آھن. ايس ايس پي سانگهڙ غلام نبي ڪيريو موجب عاشورا محرم الحرام جي موقعي تي امن امان برقرار رکڻ ۽ 591 ماتمي جلوسن ۽ مجلسن، 74 امام بارگاهن ۽ 11 تعزيه جي جلوسن لاءِ جامع سڪيورٽي پلان جوڙيو ويو آهي، جنهن تحت 2 هزار 4 سئو 78 پوليس افيسر ۽ اهلڪار سيڪيورٽي ڊيوٽي تي هوندا. ماتمي جلوسن، مجلسن، امام بارگاهن ۽ حساس هنڌن تي اضافي نفري مقرر ڪئي ويندي سڄي ضلعي جي داخلي و خارجي رستن تي اسنيپ چيڪنگ ۽ گشت ۾ اضافو ڪيو ويو آهي، جنهن لاءِ ضلعي پوليس جون 53 موبائل ۽ 100 موٽرسائيڪلن تي اهلڪار ڊيوٽي ڪندا. جڏهن ته ايمرجنسي جي صورت ۾ ايمبولينس، فائر برگيڊ جون گاڏيون ۽ ٻيون ننڍيون وڏيون گاڏيون پڻ موجود هونديون.