ٽنڊو آدم ۾ فيڪٽري مالڪن پاران احتجاجن ڪاٽن فيڪٽريون بند، ڦٽين جي خريداري روڪي وئي. آبادگار پريشان

ٽنڊو آدم ۾ فيڪٽري مالڪن پاران احتجاجن ڪاٽن فيڪٽريون بند، ڦٽين جي خريداري روڪي وئي. آبادگار پريشان

ٽنڊوآدم (حسنين علي ساند) ٽنڊوآدم ۾ فيڪٽري مالڪن پاران احتجاجن ڪاٽن فيڪٽريون بند. ڦٽين جي خريداري پڻ روڪي وئي. آبادگار پريشان. آبادگارن پاران محبوب مري جي اڳواڻيءَ ۾ ميرپورخاص روڊ تي روڊ بلاڪ ڪري احتجاجي مظاهرو ڪيو ويو. ان موقعي تي ميڊيا سان ڳالهائيندي آبادگارن محبوب مري، احسان سيال، مختيار مري، رفيق مري، علي نواز مري ۽ ٻين چيو ته گذريل چئن ڏينھن کان ڪاٽن فيڪٽريون بند ڪيون ويون، ڦٽين جي خريداري به نه پئي ڪئي وڃي. ھنن چيو ته ھر ڀيري جڏھن فصل تيار ھوندو آھي ته اسان آبادگارن کي نقصان ڏنو ويندو آھي. ھنن چيو تہ وفاقي حڪومت پاران ڪاٽن اينڊ جيننگ انڊسٽري تي ٽيڪس لاڳو ڪيو آھي جنھن کي فيڪٽري مالڪ تسليم نٿا ڪن ۽ ھنن آبادگارن کان ڦٽيون خريد ڪرڻ بند ڪري ڇڏيون آھن. ھنن چيو ته جڏھن وفاقي حڪومت پاران ڪپھ تي ٽيڪس لاڳو ٿيندو ته آبادگارن کي ھڪ مڻ ڦٽين تي پنج سئو روپيا نقصان ٿيندو ايئن سنڌ جي لکين ايڪڙن تي تيار فصل لھڻ بعد آبادگارن کي اربين روپيا نقصان پھچندو. ھنن چيو تہ ڪاٽن فيڪٽريون بند ٿيڻ سبب لکين پورهيت پڻ بيروزگار ٿي ويا آھن. ھنن مطالبو ڪيو آھي ته وفاقي حڪومت پاران ڪپھ تي لڳايل ٽيڪس فوري طور تي ختم ڪري ڪاٽن فيڪٽريون ھلايون وڃن ته جيئن ھزارين آبادگار اربين روپين جي نقصان ٿيڻ کان بچي سگھن ٻي صورت ۾ سخت احتجاج ڪنداسين.