جنگشاھي ۽ ڀرپاسي پيئڻ جو پاڻي اڻلڀ، رھواسي سخت تڪليفن کي منھن ڏيڻ تي مجبور

جنگشاھي ۽ ڀرپاسي پيئڻ جو پاڻي اڻلڀ، رھواسي سخت تڪليفن کي منھن ڏيڻ تي مجبور

ٺٽو( محمد شفيق ڀٽي) جنگشاھي ۽ ان جي آسپاس جا رھواسي پيئڻ جي پاڻي کان محروم بڻيل، متاثر رھواسين جو احتجاج، پيئڻ جو پاڻي مھيا ڪري اڃ مرڻ کان بچائڻ جي گھر ڪري ڇڏي آھي، ان سلسلي ۾ جنگشاھي ۽ ان جي اسپاس جي متاثر ڳوٺن ڳوٺ ساجن خان جوکيو، ڳوٺ محمد ھاشم قلندراڻي جوکيو، ڳوٺ محمد صفر جوکيو، ڳوٺ محمد حسن پليجو، ڳوٺ منگر خان پليجو، ڳوٺ گل محمد جوکيو، ڳوٺ شفيع محمد جوکيو، ڪوڪڙي، ميگھواڙ پاڙي جي ڪيترن ئي رھواسين پاران کين پيئڻ جو پاڻي مھيا ڪرڻ لاء ھڪ احتجاجي مظاھرو ٺٽي ۾ سماجي اڳواڻ پير غلام حسين شاھ، ڪامريڊ محمد شفيق جوکيو، نويد جوکيو، شعبان سليم جوکيو، ملڪ نواز جوکيو جي اڳواڻي ۾ ڪري سخت نعريبازي ڪندي چيو تہ ھڪ طرف جنگشاھي ۾ بجلي بجلي جي جاري ڊگھي اڻ اعلانيہ لوڊشيڊنگ ڪري بجلي تي ھلندڙ واٽر سپلاء بجلي نہ ھجڻ ڪري شھرين کي پيئڻ جو پاڻي نصيب نٿو ٿئي تہ ٻئي طرف کين ڪي ڊي اي واھ مان 18 ڪروڙ روپين جي لاڳت سان منظور ٿيل سولر سسٽم واري اسڪيم بہ چالو ٿي ناھي سگھي، جنھن ڪري جنگشاھي جي آسپاس جا رھواسي پيئڻ جي پاڻي کان محروم بڻجي پاڻي خريدڻ ۽ پري پري کان اڻڻ تي مجبور بڻيل آھن، پر ھن طرف ضلعي انتظاميہ سميت چونڊيل نمائندہ بہ ڪو ڌيان ڏيڻ لاء تيار ناھن. ھنن گھر ڪئي تہ سندن ڳوٺن ۾ پاڻي جون لائينون وڇائي کين پيئڻ جو پاڻي مھيا ڪري اڃ مرڻ کان بچايو وڃي، ٻئي صورت ۾ سخت احتجاج ڪيو ويندو