جسقم چيئرمين صنعان خان قريشي جي سجاول آمد، سجاول سجاڳ فورم جي اڳواڻن سان ملاقات

جسقم چيئرمين صنعان خان قريشي جي سجاول آمد، سجاول سجاڳ فورم جي اڳواڻن سان ملاقات

سجاول(گلشيرميربحر )جيئي سنڌ قومي محاذ جو چئرمين صنعان خان قريشي سجاول سجاڳ فورم جي دعوت تي سجاول پھتو. جتي سجاول سجاڳ فورم جي اڳوڻن. گل حسن رند. منظورميمڻ. اياز لغاري. محمد خان پٺاڻ.۽ جئي سنڌ قومي محاذ جي سوين ڪارڪنن سندس استقبال ڪيو. کيس پتڻ ناڪي کان پبلڪ پارڪ تائين پيدل آنڌو ويو. پبلڪ پارڪ تي هڪ وڏي جلسي کي خطاب ڪندي جسقم چئيرمين چيو ته سنڌ تي ڌارين ۽ ڌاڙيلن جو قبضو آهي ان چيو ته سنڌ جو نوجوان ڊگريون هٿن ۾ کڻي ادارن جا چڪر ڪاٽيندو وتي ۽ ڀوتارن ۽ وڏيرن جا پٽ عياشيون ڪري رهيا آهن. هن وڌيڪ چيو ته سنڌ ۾ منشيات کي پکيڙيو ويو آهي ته جيئن نوجوان منشيات جو عادي ٿي وڃي ۽ اسين سنڌ کي پنهنجي جاگير سمجهي لٽيندا رهون پر اسين ائين نه ٿيڻ ڏينداسين اسين منشيات ڌارين .ڌاڙيلن ۽ سنڌ کي لٽيندڙن خلاف تحريڪ هلائينداسين. هن چيو ته هن تحريڪ ۾ نوجوان اسان جو ساٿ ڏين ته جيئن اسين سنڌ کي انھن بيمارين کان آجو ڪري سگھون