شڪارپور ۾ صحافين جي قتل خلاف ۽ پريا ڪماري جي بازيابي لاءِ احتجاجي مظاھرو

شڪارپور ۾ صحافين جي قتل خلاف ۽ پريا ڪماري جي بازيابي لاءِ احتجاجي مظاھرو

شڪارپور (رپورٽر) شڪارپور ۾ شهيد نصر الله گڏاڻي ۽ شھيد جان محمد مھر جي قاتلن جي گرفتاري توڙي معصوم نياڻي پريا ڪماري جي بازيابي لاءِ احتجاجي مظاهرو ڪيو ويو ان سلسلي ۾ سنڌ صحافي اتحاد جي مرڪزي سڏ تي جھاز چوڪ کان شڪارپور پريس ڪلب تائين ريلي ڪڍي احتجاجي ڌرڻو ھنيو ويو جنهن ۾ صحافين،سياسي سماجي تنظيمن جي اڳواڻن ۽ سول سوسائٽي توڙي شھرين وڏي انگ ۾ شرڪت ڪئي, احتجاج جي اڳواڻي جاويد راھوجو,ذوالفقار مڱسي,احسان جيھو ۽ ٻيا ڪري رهيا هئا, ڌرڻي ۾ سلطان رند,ھمير چانڊيو,عبدالوھاب ڪاغذي,ڪامريڊ اسد سومرو,حسام ميمڻ,طيب انقلابي,ديدار بلوچ,زاھد سنجراڻي,عتيق ڌڪڙجانثار کوسو,راشد معرفاڻي ۽ ٻيا پڻ شريڪ ٿيا ان موقعي تي اڳواڻن جو چوڻ ھو ته شهيد نصر الله گڏاڻي ۽ شهيد جان محمد مھر جا قاتل گرفتار نه ٿيڻ سنڌ حڪومت ۽ پوليس انتظاميا جي انتھائي نااهلي آهي ۽ افسوس سان چوڻو ٿو پوي ته سنڌ حڪومت شهيد صحافين جي قاتلن کي گرفتار ڪرڻ بدران بچائڻ ۾ رڌل آهي,اڳواڻن چيو ته پريا ڪماري کي ٽي سال گذري ويا آهن پر حڪومتي ۽ پوليس جي ڪن لاٽار سبب نياڻي اڃا تائين بازياب نه ٿي سگهي آهي، اڳواڻن جو چوڻ ھو ته پوليس روزانو رڳو شهيد صحافين جي قاتلن کي گرفتار ڪرڻ ۽ پريا ڪماري کي بازياب ڪرائڻ جا سکڻا آسرا ڏئي رهي آهي،ھنن وڌيڪ چيو ته اسين ڊي آء جي سکر سيد پير محمد شاهه ۽ آء جي سنڌ غلام نبي ميمڻ کان مطالبو ٿا ڪيون ته نااھل ايس ايس پي گهوٽڪي کي هٽائي شهيد نصر الله گڏاڻي جي قتل ڪيس جي جاچ لاءِ عدالتي ڪميشن جوڙي وڃي ۽ شهيد جان محمد مهر جي قاتلن کي گرفتار ڪري انهن جي سرپرستن کي وائکو ڪري سنگرار مان اغوا ڪيل معصوم نياڻي پريا ڪماري کي بازياب ڪرائي سنڌ جي قلم ڌڻين ۽ شعور وند ڌرين ۾ پيدا ٿيل بيچيني ختم ڪئي وڃي,احتجاج ۾ گلزار احمد کوسو,عاشق ڊومڪي,منظور کوسو,عرس چوھاڻ,مشرف کوسو,غمٺار دل,ذيشان بليدي,مير ذوالفقار جيھو,آفتاب مھر,عبدالغني بروھي,ابرار چانڊيو,نعيم چانڊيو,طاھر جان ڀٽو,ڀاڳچند وليچا,الھداد شر ۽ ٻيا پڻ شريڪ ٿيا.