نوشھروفيروز ۾ آبادگارن جو احتجاج، فوڊ انسپيڪٽر تي ڪروڙين رپين جي ڪرپشن جا الزام

نوشھروفيروز ۾ آبادگارن جو احتجاج، فوڊ انسپيڪٽر تي ڪروڙين رپين جي ڪرپشن جا الزام

نوشهروفيروز (ڊ ر) خوراڪ کاتي نوشهروفيروز اندر تازو خريداري دوران 12 سينٽرن تان هئي فوڊ انسپيڪٽر شوڪت آرائين پاران 30 ڪروڙ جي ڪرپشن ڪرڻ جو انڪشاف 9 ڏينهن گزري وڃڻ باوجود بدلي ڊي ايف سي وسيم جمالي نئي بدلي ٿي آيل وسيم ابڙو کي چارج نه ڏني آبادگار ايڪشن ڪاميٽي جي سڏ تي آبادگارن گداحسين خاصخيلي، محمد اقبال راڄپر، گل بهار مري، محرم چنو، آصف قريشي، گل شيرسيال ۽ ٻين احتجاجي مظاهرو ڪرڻ کان پوءِ داهيندي ٻڌايو ته ڊي ايف سي وسيم جمالي 23 خريداري سينٽر مان 12 سينٽر فوڊ انسپيڪٽر شوڪت آرائين جي حوالي ڪري ان سان ملي مختلف سينٽرن تان 30 ڪروڙ جي ڪرپشن ڪئي آهي. جنهن جي خلاف خوراڪ کاتي جي سيڪريٽري وڏي وزير جي حڪم تي انڪواري ڪئي ته هن مٿان ڪرپشن ثابت ٿي آهي ان کان پوءِ 30 اپريل تي وسيم جمالي کي بدلي ڪري سندس جاءِ تي وسيم ابڙو کي نئو ڊي ايف سي فوڊ نوشهروفيروز مقرر ڪيو ويو آهي پر 9 ڏينهن گزري ويا آهن وسيم جمالي کيس چارج ڏيڻ جي لاءِ تيار ناهي ۽ اڃان به وڌيڪ 12 سينٽرن تي مقرر فوڊ انسپيڪٽر شوڪت آرائين سان ملي ڪروڙن جي ڪرپشن ڪرڻ گهري ٿو هنن چيو ته فوڊ انسپيڪٽر شوڪت آرائين سري عام واپارين کي بارداڻو ڏئي ضلعي کان ٻاهران ڪڻڪ جي خريداري ڪرائي رهيو آهي. جڏهن ته نوشهروفيروز جا آبادگار روز خريداري سينٽرن جا چڪر ڪاٽي رهيا آهن پر انهن کي بارداڻو نٿو ڏنو وڃي هن کان وڌيڪ خوراڪ کاتي جي نااهلي ڪهڙي ٻڌايو هڪڙي فوڊ انسپيڪٽر شوڪت آرائين کي 12 خريداري سينٽر مليل آهن جيڪو ڪنهن به خريداري سينٽر تي موجود ناهي جڏهن ته خوراڪ کاتي نوشهروفيروز ۾ مقرر اڳوڻو ڊي ايف سي وسيم جمالي اصل ۾ خوراڪ کاتي ۾ اسسٽنٽ اڪائونٽ آهي مٿس 52 ڪروڙ جو ريفرنس نيب وٽ داخل آهي. هاڻي بدلي ٿي وڃڻ کان پوءِ غائب ٿي ويو آهي ۽ نئو مقرر ٿي آيل ڊي ايف سي رڪارڊ ملڻ کان سواءِ چارج وٺڻ کان لوائي رهيو آهي ڇو ته کيس خبر پئجي وئي آهي ته اڳوڻي ڊي ايف سي وسيم جمالي 12خريداري سينٽرن مٿان مقرر شوڪت آرائين سان ملي ڪروڙن جي ڪرپشن ڪئي آهي ان ڪري سنڌ جي وڏي وزير مراد علي شاهه کان مطالبو ٿا ڪريون ته وسيم جمالي ۽ شوڪت آرائين کي گرفتار ڪري پوءِ وڌيڪ جاچ ڪئي وڃي