هالا ٿاڻي تي پي ٽي آءِ سنڌ جي سينئر نائب صدر ۽ سندس والد سميت 16 ڄڻن خلاف ڦر جو ڪيس داخل، 4 ڄڻا گرفتار

هالا ٿاڻي تي پي ٽي آءِ سنڌ جي سينئر نائب صدر ۽ سندس والد سميت 16 ڄڻن خلاف ڦر جو ڪيس داخل، 4 ڄڻا گرفتار

ھالا(رپورٽر) پي ٽي آء سنڌ جي سينئر نائب صدر مخدوم محسن، ۽ سندس والد پي ٽي آء اڳواڻ مخدوم فضل سميت 16 ڄڻن تي ڦر جو ھالا ٿاڻي ٿي ڪيس داخل، چاچي ۽ ڀائٽيي ۾ زمين جي معاملي تان پئدا ٿيل تڪرار تيز ٿي ويو،جڏھن تہ رات دير سان ھڪٻئي مٿان فائرنگ بہ ڪئي وئي ھالا ميونسپل ڪاميٽي جي اڳوڻي چيئرمين مخدوم عمار حيدر پنھنجي چاچي مخدوم فضل ۽ سئوٽ مخدوم محسن سميت 10 سڃاتل ۽ 6 نامعلوم جوابدارن مٿان ھالا ٿاڻي تي ڦر جو ڪيس داخل ڪيو ويو آھي، ھالا پوليس مخدوم فضل جي مئنيجر سميت چئن جوابدارن کي گرفتار ڪري ورتو، مخدوم عمار ڪيس ۾ موقف اختيار ڪيو آھي تہ ھالا ڀرسان منھنجي زرعي زمين آھي مخدوم فضل حسين ۽ مخدوم محسن، گل شير ساريو، امان اللّہ ڏاھري، امير بخش ڪنڊاڻي، محمد بخش جسڪاڻي، ساجد شاھ، جاني ساريو، جنيد ساريو، محمد بخش، ۽ 6 نامعلوم جوابدارن ھٿيارن جي زور تي ٽريڪٽر ۽ ٿريشر ڪاھي منھنجي زرعي زمين مان ڪڻڪ جو ان ڪڍرائي رھيا ھئا، اھڙو اطلاع مليو، اسان وڃي ڏٺو تہ مخدوم فضل حسين ۽ ٻيا ھٿيارن سان بيٺل ھئا جن کي مون چيو تہ ھي زمين منھنجي حصي جي آھي جن مون مٿان افراتفري ڦلائڻ لاء فائرنگ شروع ڪري ڏني، ۽ 25 مڻ ڪڻڪ ڦر ڪئي ۽ موت مار ڌمڪيون ڏنيون، اھڙو اطلاع اسان ھالا ٿاڻي تي ڏنو جيڪا پوليس اتي بروقت پھچي وئي، رات دير سان ٻنھي ڌرين ھڪٻئي مٿان فائرنگ ڪئي وئي ھئي جنھن بعد پوليس اٽالن پھچي فائرنگ بند ڪرائي ۽ مخدوم فضل حسين جي ڌر جي 4 ڄڻن گل شير ساريو، امان اللّہ ڏاھري، امير بخش ڪنڊاڻي، محمد بخش جسڪاڻي کي حراست ۾ ورتو ھو.