ڳڙھي ياسين ۾ مھر مارفاڻي خوني تڪرار تان وڌيڪ ھڪ ڄڻو قتل

views | 03rd Apr 2024 • سنڌي خبرون

ڳڙھي ياسين ۾ مھر مارفاڻي خوني تڪرار تان وڌيڪ ھڪ ڄڻو قتل

ڳڙھي ياسين ۾ مھر مارفاڻي خوني تڪرار تان ھٿياربندن جي زمين ۾ ڪم ڪندڙ مٿان فائرنگ ھڪ ڄڻو قتل . مھر ۽ مارفاڻي برادري جي ٻن ڌرين ۾ ھلندڙ خوني تڪرار تان مارفاڻي ڌر جي ھٿياربندن ڳوٺ ٻانڀيھڙ لڳ زمين ۾ ڪم ڪندڙ نوجوان مٿان فائرنگ ڪري ڏني گوليون لڳڻ سبب رياض مھر ٿڏي تي مارجي ويو . اطلاع تي ڳڙھي ياسين پوليس واقعي واري ھنڌ پھچي مارجي ويل جو لاش کڻائي اسپتال آندو جتان پوسٽ مارٽم بعد وارثن حوالي ڪيو ويو . ٻنھي ڌرين ۾ چوري معاملي تان تڪرار شروع ھلندڙ جھيڙي ۾ مھر ڌر جا 4 ڄڻا مارفاڻي ڌر جا 2 ۽ 2 پوليس اھلڪار گولين جي بک بڻجي چڪا آھن