ٺٽي ضلعي جي مختلف علائقن ۾ پوليس جون ڪارروائيون، عورتن سميت 12 منشيات فروش گرفتار

ٺٽي ضلعي جي مختلف علائقن ۾ پوليس جون ڪارروائيون، عورتن سميت 12 منشيات فروش گرفتار

ٺٽو( محمد شفيق ڀٽي) ضلعي ٺٽي جي مختلف ٿاڻن ٺٽو، جھرڪ، جھمپير، گھارو، ڌاٻيچي، ميرپور ساڪرو، ڳاڙھو ۽ ڪيٽي بندر جي پوليس منشيات فروشن توڙي ڏوھارين خلاف سخت ڪاروايون ڪندي 12 گٽڪا مٽيرل سپلائير جوابدارن علي حيدر سوڀاڻي، ڪاشف علي سيٺار، مسمات شاھدہ عمراڻي، مسمات ساجدہ سميجو، مسمات ڪنول ڪڇي، مسمات نعيمہ ڪڇي، مسمات فريال ميمڻ، شير علي ملاح، نياز سومرو، عبدالرحمن سميجو، غلام نبي عرف ڪارو خاصخيلي، رجب خاصخيلي سميت 7 منشيات فروشن شاھد حسين انصاري، بابر علي ميمڻ، رضوان لاسي، فريد شيخ، اختر حسين پٺاڻ، انيس بلوچ ۽ معراج بلوچ کي گرفتار ڪري سندن قبضي مان وڏي تعداد ۾ منشيات ۽ گٽڪن ۾ استعمال ٿيندڙ مٽيرل ھٿ ڪري مٿن مختلف ٿاڻن تي ڪيس داخل ڪري ورتا آھن. ٻئي طرف گذريل رات دير سان ٺٽي ٿاڻي جي حد بائيڪو پئٽرول پئمپ ڀرسان پوليس ۽ ڏوھارين جي ٿيل مبينا مقابلي ۾ پوليس ھڪ ڏوھاري کي زخمي حالت ۾ گرفتار ڪري ورتو آھي، جنھن جي سڃاڻپ ٺٽي شھر واسي بابر ولد سڪندر شورو طور ٿي اھي، ٺٽو پوليس زخمي ڏوھاري کي پوليس پھري ھيٺ سول اسپتال مڪلي ۾ علاج ھيٺ رکيو اھي، پوليس موجب زخمي حالت ۾ گرفتار منشيات فروش بابر شورو ڪيترن ئي ڏوھي وارداتن ۾ شامل آھي، جنھن وٽان پسٽل بہ برامد ڪري سندس ڪرمنل رڪارڊ طلب ڪيو ويو اھي، پوليس موجب زخمي ڏوھاري چورين، ڦرن سميت منشيات جي ڪڌي ڪاروبار ۾ ملوث ھو، جنھن تي ٺٽي ٿاڻي تي ڪيس پڻ داخل ڪيو ويو اھي.