نوشهرو فيروز ۾ جي ڊي اي جي سڏ تي اليڪشن ۾ مبينا ڌانڌلي خلاف احتجاجي مظاھرو

نوشهرو فيروز ۾ جي ڊي اي جي سڏ تي اليڪشن ۾ مبينا ڌانڌلي خلاف احتجاجي مظاھرو

نوشهرو فيروز(ڊر) اليڪشن ڌانڌلين خلاف جي يو آءِ، جي ڊي اي، پي ٽي آءِ پاران پريس ڪلب نوشهرو فيروز آڏو احتجاجي مظاهرو ڪيو ويو جنهن ۾ ڌانڌلين ۽ مئنڊيٽ چورائڻ خلاف سخت نعري بازي ڪئي وئي. اڳواڻن مولانا عبدالرحمان ڏنگراچ، فقير غلام جان ڏاهري، ارشاد ساند، مولانا رمضان خاصخيلي، خادم سيال، مهر وسطڙو، اڪرم علي پيرزادو، اڪبر راڄپر ۽ ٻين پنهنجي خطاب ۾ چيو ته عوام جي ووٽ تي ڌاڙو هڻي نتيجا تبديل ڪيا ويا آھن پوري سنڌ ۽ ملڪ ۾ اڃا نتيجا تبديل پيا ٿين هڪ جو مئنڊيٽ ٻي پارٽي ۽ ٻي پارٽي جو ٽئين پارٽي کي ڏيئي اليڪشن کي مشڪري بڻايو ويو جيڪڏهن ايئن ورهاست ڪرڻي هئي ته پوءِ اربين روپيا ڇو خرچ ڪيا ويا. هنن چيو ته ڪراچي جي پرامن احتجاج ۾ عورتن تي تشدد ۽ راشد محمود سومري کي زخمي ڪري جمهوريت جو آواز بند ڪرڻ جي ڪوشش ڪئي ويئي جيڪو حربو ناڪام ڪيوسين ۽ جعلي مئنڊيٽ خلاف احتجاجي سلسلو جاري رهندو ۽ حڪومتي غنڊه گردي کي برداشت نه ڪيو ويندو.